□作者 凡一平 翻译 杨兰桂

[vah Bouxbien]

Fanz Yizbingz, bouxsai, Bouxcuengh. Dwg dangdaih cozgyah Bouxcuengh ndawde aeu ndaej cwngzciu hamq hung boux ndeu. Seizneix dwg Gvangjsih Minzcuz Dayoz cozgyah youq ndaw hagdangz, guekgya ngeihgaep cozgyah. 1982 nienz de hainduj fatbiuj cozbiuj, sij miz sawcuenh raez、sawcuenh ciz daengj 85 bienz(bouh). Gij cozbinj de aeundaej haujlai ciengj, haujlai bien ndaej gaijbien baenz denyingj roxnaeuz densigi. Daj geiz neix hwnj, lienz daeng bien sawcuenh cungbien《Ra Cungq》de sij ndaej gaijbien baenz denyingj、 youz Yangz Lanzgvei hoiz baenz Sawcuengh haenx, hawj bouxdoeg ngonz doeg.

Maj Sanh ninzhwnq le, fatyienh cungq mbouj raen lo. Baeznaengz haeujninz, de cungj sibgvenq yo cungq haeuj laj gyaeujswiz bae, hwnqdaeuj daenj buh roxnaeuz yaek ok dou seiz cij raek cungq. Hoeng ngoenzneix Maj Sanh mo laj gyaeujswiz mbouj raen cungq. De biengj gyaeujswiz, lumj boux yinzhangz cuznaz hai gvihbaujyiemj le mbouj raen cienz ityiengh, ndangndum liux.

Cungq ne? Aencungq gou gvaq gizlawz bae la? Maj Sanh itmienh youq ndaw rug saeuj buh fan den itmienh siengj. Gou baeznaengz cungj dwg cuengq youq laj gyaeujswiz, seizneix laj gyaeujswiz haengjdingh dwg mbouj miz lo. Laj denz hix mbouj miz, gvihgyaeujmbonq hix mbouj miz. Youq laj mbonq? Hix mbouj miz. Cungj mbouj miz. Cungq gvaq gizlawz bae ne?

Maj Sanh daj ndaw rug ra daengz dingdangz, youh daj dingdangz ra daengz aenrug dahlwg de Yinghyingh. De biengj bae biengj dauq, doeng yawj sae muengh, doeklaeng hix ra mbouj raen gij doxgaiq de siengj aeu haenx, lumj bouxcaeg mbei hung sim saeq he haeuj loek ranz bouxgungz bae.

Mehyah de Hanz Yinz daj ndaw ranzdajcawj dawz ngaizromh daengz dingdangz, raen Maj Sanh dungxmbouq yatyat biengj giz daengz giz, naeuz mwngz ra gijmaz? Maj Sanh couh siengj naeuz ra cungq, hoeng cih cungq daengz byairinx youh aeu heuj haeb dwk, lumj goengsai baknaek he, mbouj gamj ajbak naeuz hawj mehmbwk naeuz gyaez de ityiengh. Hanz Yinz naeuz vei, ra gijmaz? Maj Sanh naeuz mbouj ra gijmaz. Hanz Yinz naeuz dwg mbouj dwg ra cunzcez？Cunzcez geb youq ndaw bonjsaw《Mauz Cwzdungh Senjciz》gienj daihsam. Mboujgvaq mwngz aeu cunzcez guh gijmaz? Maj Sanh naeuz gou siengj yawjyawj ndawde lij miz geijlai cienz? Hanz Yinz naeuz lij miz geijlai cienz? Ngoenzlwenz hawj dahnuengx mwngz song cien, lij miz geijlai mwngz gag rox. Maj Sanh naeuz yienghneix couh mbouj yawj lo.

Maj Sanh gwn gij mienh mehyah cawj haenx. Yawjraen gij noh ndaw vanj lai gvaq ngoenznaengz, youh feih youh ndeiyawj, mbouj lumj dwg mehyah cawj nei, couh naeuz gij noh neix daj gyawz daeuj? Hanz Yinz naeuz daj gyawz daeuj? Fanden gwn lw love. Dahnuengx mwngz heuh vunz cumh aeu ma, cienzbouh hawj dou lo. Ndaw binghsiengh oet rim lo, ndaw sijyihgih lij miz, mbouj cagaenj gwn, cijndei cingj duznou bang gwn lo. Maj Sanh ngawzvaegvaeg naeuz dauqdaej dwg gijmaz saeh?

Hanz Yinz aeu dawh vix goenggvan, naeuz yawj mwngz laeujfiz baenz yiengh lawz lo, daengz seizneix lij caengz singj gvaqdaeuj. Dahnuengx mwngz ngoenzlwenz gietvaen cingjlaeuj, baij le seiqcib daiz, rox mbouj rox?

Maj Sanh soeb daengx mbouj gwn, naeuz ngoenzlwenz gou dwg mbouj dwg gwn laeuj fiz lo?

Bomq youq gwnz daiz mbouj rox saek yiengh, mwngz naeuz fiz caengz? Hanz Yinz naeuz.

Yienghneix……Gou baenzlawz ma ranz? Maj Sanh naeuz.

Soengq ma, mwngz laihnaeuz mwngz lij rox gag byaij ma?

Byawz soengq?

Gou rox dwg byawz soengq? Seizhaenx gou nyaengq fugsaeh dahnuengx mwngz, bae lawz goq ndaej mwngz? Miz vunz soengq mwngz couh dwg lo.

Yienghneix dwg gou ma gonq, roxnaeuz dwg mwngz ma gonq?

Dangyienz dwg mwngz ma gonq. Gou ma daengz ranz seiz mwngz gaenq ninz lumj duzmou nei.

Yienghneix gou baenzlawz ndaej haeuj ranz daeuj?

Gwnz ndang mwngz mbouj miz yaekseiz ha? Bouxwnq mo daeh mwngz aeu yaekseiz hai dou mbouj couh ndaej loma?

Yienghneix Yinghyingh ne?

Yinghyingh gaen gou. O, mwngz lij siengj de rox gaen mwngz ha? Yawj gij yiengh mwngz lumj duzfangz nei. Gou baez nduj raen mwngz fiz baenz yienghhaenx.

Angq ha, Maj Sanh naeuz, dahnuengx gietvaen.

Hanz Yinz naeuz, mwngz caeuq gou gietvaen seiz vih gijmaz mbouj laeujfiz baenz yienghhaenx？ Mbouj angq dwg lwi?

Maj Sanh naeuz ndei lo. De hozgaek dwk aeu dawh dingj angjfwngz, dawh daengj doxhwnj angjfangz goemz doxroengz, guh gij yiengh lumj caizbuenq heuh camhdingz ityiengh. Yienzhaeuh de cuengq dawh roengzdaeuj. Naeuz gou aeu ganj bae baicuzsoj, ngoenzneix mwngz soengq Yinghyingh.

Hanz Yinz liuq aen cung gwnz ciengz mbat he, naeuz bae baenz caeux guh gijmaz?

Miz saeh gaenjaeu. Maj Sanh naeuz.

Maj Sanh daengz baicuzsoj seiz, cawz le song boux gingjcaz dangban haenx, gizyawz vunz cungj mbouj youq. Song boux gingjcaz boux he heuh Vangz Wnh boux he heuh Hoz Bingjginh, raen Maj Sanh le cungj naeuz Yinzdouzmaj, romh. Maj Sanh naeuz romh. Yinzdouzmaj dwg vamingz de, gaenyouz dwg geij bi gonq bohda de youq ndaw singz yw bingh, yaek guh soujsuz le mehyah de Hanz Yinz heuh de soengq ngaenz guh soujsuz bae. Maj Sanh comz gaeuq ngaenzsoujsuz le bae daengz swngjsingz. Hanz Yinz naeuz aeu soengq hoengzbau hawj boux canghyw guh soujsuz haenx, lij aeu cingj de gwnhaeux, mboujnex danghnaeuz miz maz loekcak baenzlawz guh? Mehyah de laihnaeuz cijaeu cingj canghyw gwnhaeux caeuq soengq hoengzbau, soujsuz couh mbouj loekcak. Maj Sanh siengj neix gven daengz gij saeh gyaez mbouj gyaez mehyah, ndiep mbouj ndiep bohda, mbouj doengzeiq hix aeu doengzeiq. De geq gij cienz gwnz ndang le, nyinhnaeuz ndaej dawz cien he okdaeuj, haj bak maenz fung hoengzbau, haj bak maenz cingj gwnhaeux. De cingj canghyw okdaeuj, lij hawj canghyw dingh ciujgyah. Canghyw daiq de haeuj aen sihcanhdingh he bae, aenvih canghyw naeuz de youq guek rog louzhag haujlai bi, gwn sihcanh gvenq lo. Song boux naengh roengzdaeuj le, Maj Sanh cingj canghyw diemj byaek, hoeng canghyw naeuz mwngz dwg bouxcawj mwngz diemj. Maj Sanh couh dawz caidanh gvaqdaeuj diemj.

（1）

马山醒后起床，发现枪不见了。平日睡觉，他都习惯把枪放在枕头底下，起身穿戴或临出门时把枪佩起。但今天马山在枕头下摸不着枪。他掀开枕头，像银行的出纳打开保险箱盖后看不到钱一样，不禁心里发毛。

枪呢？我的枪哪里去了？马山一面在卧室里翻衣抖被地寻找一面想。我平日都是放在枕头底下的，现在枕头底下是肯定没有了。棉被下也没有，床头柜里外也没有。床底下？也没有。都没有。枪能到哪去呢？

马山把搜寻范围从卧室扩大到客厅，又从客厅进展到女儿英英的房间。他左翻右翻，东张西望，最终也找不到想要的东西，像一个虽胆大心细却误入穷人家里的窃贼。

妻子韩芸从厨房里把早点端进客厅，见马山慌慌忙忙地翻这翻那，说你找什么？马山便想说枪，但枪字到了嘴里，又用牙齿咬住，像一个内向的男人，不敢对心爱的女人说爱一样。韩芸说说呀，找什么？马山说没找什么。韩芸说是不是找存折？存折夹在书里，《毛泽东选集》第三卷。不过你要存折干什么？马山说我想看看里面还有多少钱？韩芸说还有多少钱？昨天给了你妹妹两千，还有多少你心中有数。马山说那就不看了。

马山吃着妻子煮的面条。看见面碗里比往日多了许多肉，而且味色别致，不像是妻子做的，就说哪来的这些肉？韩芸说哪来？饭店里吃剩的呗。你妹妹叫人打包，全给了我们。冰箱里塞满了，洗衣机里还有，不抓紧吃，只有请老鼠帮忙了。马山愣头愣脑地说这到底是怎么回事？

韩芸用筷子近距离指着丈夫，说看把你喝得醉的，到现在还醒不过来。你妹妹昨天结婚请酒，摆了四十桌，知不知道？

马山停止进食，说昨天我是不是喝醉了？

趴在酒桌上不省人事，你说醉了没有？韩芸说。

那……我是怎么回家的？马山说。

送回来的，你以为你自己还能走？

谁送？

我知道是谁送？当时我忙着侍候你妹妹，哪顾得上你？反正有人送。

那是我先回家，还是你先回家？

当然是你先回家。我回家的时候你已睡得像头猪一样。

那我怎么进得了家？

你身上没有钥匙呀？别人摸你身上要钥匙开门不就得了？

那英英呢？

英英跟我。哦，你还想她会跟你呀？看你那样子像个鬼。我头一次见你醉成那种样子。

高兴吧，马山说，妹妹结婚。

韩芸说，你和我结婚的时候为什么不醉成那种样子？不高兴是吧？

马山说好了。他急躁地将筷子顶着掌心，筷子朝上掌心朝下，像裁判做暂停动作一样。然后他把筷子搁下。说我得赶紧到派出所去，今天英英你送。

韩芸瞄了一眼墙上的挂钟，说去干吗？

有要紧事。马山说。

马山到派出所的时候，除了值班的两名警察，其他的人都不在。两名警察一个叫黄恩一个叫何炳军，见了马山异口同声地说人头马，早。马山说早。人头马是马山的外号，由来是前几年他岳父在省城治病，手术之前妻子韩芸叫他把手术费送去。马山凑够手术费到了省城。韩芸说得给主持手术的医生送红包，还得请他吃饭，不然万一出差错怎么办？妻子的意思是只要请医生吃饭和送了红包，手术就不会出问题或没有万一。马山想这是关系到对妻子和岳父的感情，不同意也得同意。他盘点了身上的经费后，认为可以匀出一千元钱，五百元钱作为红包，五百元请吃饭。他把医生请了出来，还请医生选定酒家。医生带着他进了一家西餐厅，因为医生说他在国外留学多年，习惯了吃西餐。两人坐下后，马山请医生点菜，但医生说客随主便。马山就拿过菜单来点。

（一）