“Gaxgonq, gij daemz mbanj dou baenz giz coq nyapnyaj, heiq haeu daengz mbwn, gig yakyawj. Seizneix gaihcanj‘lajmbanj cinghseuq’hozdung, ginzcung cungj cizgiz camgya guh hong baetseuq lajmbanj, ndaw daemz、dieg gunghgung、roen ndaw mbanj seuq lai lo.” Geij ngoenz gonq, Denhdwngj Yen Dozganh Yangh Vwnzsiu Cunh Mbanjlizsanh boux vunzmbanj Vangz daxlungz danq naeuz.

“Bineix 6 nyied co, gou bau daemz ndaw mbanj daeuj ciengx bya, bimoq ndwencieng couh ndaej gai byahung, hwhw! Guj cinghsouhaeuj ndaej 2 fanh lai bw.” Caemh mbanj boux ciengxbya heuhguh Cangh Sivaz gig miz saenqsim.

Neix dan dwg Denhdwngj Yen gienh saeh guh baetseuq lajmbanj caemhcaiq haenqrengz coihaeuj nungzminz laisou he.

Daj gaihcanj“Gvangjsih gyaeundei·lajmbanj cinghseuq”hozdung daeuj, Denhdwngj Yen gaenjmaed hopheux aen muzbyauh“song gya”, okmoq cosih, aeu“baetseuq lajmbanj”hozdung caeuq hong“sanhnungz”、sinhnungzcunh gensez、fuzbinz haifat daengj doxgiet, nyinhcaen doihaeuj, haenqrengz saedyienh lajmbanj cinghseuq nem nungzminz laisou“song ndaej”muzbyauh. Daengz dangqnaj, daengx yienh hwnj baenz nem cingq hwnj nyapnyaj conjyincan 10 aen; laebbaenz daemz nyapnyaj mbanj gaep 318 aen、saeuq baeu nyapnyaj 155 aen; daemzcaujgi haeuj ranz beijlaeh miz 82.27%, hingzcwngcunh doeng roen 99.15%, mbanj doeng roen 75.42%.

(Liengz Cwngzfuj Vangz Genyungz Vangz Cwngzganj)