Vihliux guh ndei hong Cuengh Gun song saw vah sonhag, daezsang sonhag cizlieng, 10 nyied 10 hauh, Vanzgyangh Mauznanzcuz Swciyen Swh’wnh Cin Cunghsinh Siujyoz hai aenhoih hong Sawcuengh sawqniemh hagdangz sonhag gyauyenz hozdung. Aenhoih neiyungz dwg: Cungjgez gij cingzcik haggeiz gonq hong Sawcuengh sonhag aeundaej haenx; lij miz gijmaz caengz guh daengz; buci hong Cuengh Gun song saw vah haggeiz neix.

Youq gwnz aenhoih, cin cunghsinh siujyoz Mungz Ningz yaucangj yauhgiuz gak aen Sawcuengh hagdangz aeu gaengawq bonj hagdangz daegdiemj banh hag, guh ndei hong Cuengh Gun song saw vah sonhag, ceng’aeu cingzcik ndei. Gyoengq boux yaucangj Sawcuengh sawqniemh hagdangz daeuj camgya aenhoih haenx cungj naeuz, baema le, aeu gyagiengz hong Cuengh Gun song saw vah sonhag, ca ndei sonhag cizlieng.

(Mungz Ningz sij Liu Veijcwngz ingj)