9 nyied 6 hauh, Hozciz Siveij、Si Cwngfuj youq Hozciz Si Minzcuz Gauhcungh gawjhengz 2013 nienz ndwen minzcuz doxgiet senhconz haidoengh yizsi, neix dwg Hozciz Si guh senhconz minzcuz cwngcwz、faplwd fazgveihdangj hilez hozdung ndawde aen neiyungz youqgaenj ndeu, doiq daezsang daengx si gak cuz ganbu ginzcung gagrox saedhengz minzcuz cwngcwz caeuq minzcuz faplwd fazgveih dangj, saedyienh gak cuz ginzcung doxhuz fazcanj miz coicaenh cozyung gig daih.

Ciengzgeiz daeuj, Hozciz Siveij Si Cwngfuj seizseiz gaemmaenh gak minzcuz “doengzcaez doxgiet haenqguh、 doengzcaez fanzyungz fazcanj” aen cawjdaez hong minzcuz neix, gyadaih hong minzcuz ligdoh, sawj daengx si gak cuz ginzcung gamjcingz lumj caen beixnuengx, doxgiet haenqguh, yienh’ok aen gizmen ndei minzcuz doxgiet ndeu. Bingzdaengj、doxgiet、doxbang、huzndei gij sevei minzcuz gvanhaeh neix ndaej mboujduenh guhmaenh caeuq fazcanj, aen swhsiengj“Bouxgun liz mbouj ndaej saujsu minzcuz, saujsu minzcuz liz mbouj ndaej Bouxgun, gak aen saujsu minzcuz ndawde hix doxliz mbouj ndaej”neix haeujlaeg ndaw sim vunzlai.

Siveij Si Cwngfuj yauhgiuz, doenggvaq ndwen senhconz, romcomz cinglig, bang ginzcung guh saeh mizik guh saehndei, cungdenj gaijgez dieg minzcuz youq ginghci sevei fazcanj ndawde miz gunnanz vwndiz haenx; minzcuz doxgiet senhconz gyauyuz aeu haeuj gihgvanh、 hagdangz、 giyez、 segih caeuq yanghcin bae.

Guh baez ndwen senhconz hozdung neix, doiq senhconz minzcuz cwngcwz， coicaenh minzcuz gyauyuz，guhmaenh minzcuz daxgiet，gensez gyaeundei Hozciz，doidoengh Hozciz fazcanj miz yiyi gig daih.

(Maj Civaz /马志华 ingj sij Dahnaz hoiz)