Bouxlaux baenz hezyaz sang gwnndoet wng citdamh di, gaej gwn ndaengq lai, gwn gyu lai rox hawj sailwed giet ndongj caeuq hezyaz swng sang, moix ngoenz gwn gyu gaej mauhgvaq 5 gwz. Siuj gwn huqdiemz. Gaiq ien gimq laeuj. Hab lai gwn duhhenj、makyungz caeuq gak cungj byaekheu mbawloeg nem bya、cijvaiz、nohcing、gyaeqgaeq、duh caeuq gij huq aeu duh guh haenx.

Linghvaih, youq canghyw cijdauj lajde senj gwn yw gyangq hezyaz, dinghgeiz gamcaek hezyaz, danghnaeuz hezyaz gaenq doek roengz cingqciengz, hix wnggai youq canghyw cijdauj lajde genhciz gwn yw gyangq hezyaz, mbouj ndaej seizbienh gag luenh dingz yw.