●8 nyied 15 daengz 16 hauh, Lungzlinz Gak Cuz Swciyen youq Sinhcouh Cin Vwnzvacan banh Fwencuengh beizyinbanh, gungh banh song ngoenz, ndaw yienh 23 boux lwgnyez camgya beizyin. Doenggvaq beizyin, hawj gyoengq- de gyaez vwnzva minzcuz、hag fwen minzcuz, neix doiq swnjcienz nem hungzyangz vwnzva Bouxcuengh yiyi gig hungmbwk.

(Lungzlinz Minzcuzgiz)

●8 nyied 22 hauh, Fuzsuih Yen gawjhengz“seizcou cienz- banghag”fatcuengq yizsi, 137 boux hagseng daj ranzgungzhoj daeuj haenx moix boux ndaej 500 daengz 2000 maenz cienzbanghag.

(Liengz Cenzdungh)

●Daengz 8 nyied 25 hauh, Ningzmingz Yen gaenq miz 751 boux dayozswngh ndaej banh banghag daigvanj, gungh ndaej 450 fanh maenz, neix hawj gyoengqde ndaej gaijgez haujlai nanzdaez youqgaenj.

(Couh Yizgangh Vangz Haunwngz)

●Seizhah, “Cungguek Mbanj- ranz Makgai”Denzdungh Yen 14 fanh moux makgai ndaej fungsou, guj cungjcanjlieng gyawj 8 fanh dun. Aen yienh neix laebguh gaicawx vangjloz, moix ngoenz daihgaiq gai 1000 dun makgai moq, moix gaen 5-6 maenz, gai bae daengx guek caeuq Yizbwnj、Ouhmungz、Dunghmungz、Yangh- gangj daengj guekgya nem digih.

(Yi Sienghcenz)

●Daj 2007 nienz daengz dangqnaj, Nazboh Yen gungh saedhengz nungzvangj gaijguh、nungzvangj gaijguh daezswng daengj 10 buekbaez gunghcwngz hanghmoeg gensez, gungh roengz- ngaenz 13841.79 fanh maenz, gij hanghmoeg neix guh doh ndaw yienh 9 aen yanghcin 130 aen hingzcwngcunh(segih), 10 lai fanh saujsu minzcuz ginzcung lajmbanj souh’ik.

(Vangz Bizvaz)