Dava Yauzcuz Swciyen aen Cuengh Gun song vah saw sonhag sawqniemh yozyau——Luzyej Yangh Cungsim Siujyoz mbouj geij nanz couh haihag, Dava Yauzcuz Swciyen Minzyijgiz cizgiz coengh yienh gyauyuzgiz doenggvaq dendaiz、bauqceij、denswj bingzmu daengj guh ndei hong senhconz, cauxok fwnveiz, hawj daengx sevei roxyiuj hong Cuengh Gun song vah saw sonhag. Vih coicaenh hong Cuengh Gun song vah saw sonhag guh ndaej swnh guh ndaej ndei, aen giz neix vanzlij cizgiz vih guh ndei fangh’an sonhag、hong guenjleix nem cijdauj daengj ok geiqmouz; doengzseiz aeu neix daeuj guh gihvei. Ceiqgaenh, aen giz neix youq daengx yienh nyinhcaen gaihcanj genjcaz hoz- dung, caz gij ci gwnz baiz aen danhvei aeu Cuengh Gun song saw sij haenx, aeu gij hengzdoengh neix coengh doihaeuj Cuengh Gun song vah saw sonhag ndaej engq ndei saedhengz.

Ciuq cam rox, Luzyej Yangh Cungsim Siujyoz ndaej dinghguh Cuengh Gun song vah saw sonhag sawqniemh yozyau dwg bineix 5 nyied Swcigih Gyauyuz Dingh baecinj. Daj bineix 9 nyied haggeiz seizcou hwnj, aen yozyau neix yaek ciuq giva cienzmienh heijguh hong Cuengh Gun song vah saw sonhag sawqniemh, gij hong neix youz yienh gyauyuzgiz bau saed- hengz.

(Vangz Vwnzboh)