□ 关仕京 搜集翻译

（接上期）

Sai: Caiq daengq coenz daihbet，

Dangq reih net raen fwn；

Cienz dienyah cungqvunz，

Gou dem mwngz caezsim.

男：再嘱第八句， 硬地逢雨淋；

全天下众人， 你我一条心。

Mbwk: Gou daengq coenz daihgouj，

Song raeuz miz aencingz；

Caez gaem siuq conx rin，

Canj ndaej bingz menh youq.

女：我嘱第九句， 咱俩有姻缘；

同拿凿铲石， 铲平再休闲。

Sai: Daengq nuengx coenz daihgouj，

Caez gaej you baenaj；

Song raeuz aencingz na，

Dangq diuzdah baenz raez.

男：嘱妹第九句， 先别忧前方；

咱俩情意深， 像河那么长。

Mbwk: Sat daengq coenz daihcib，

Caen hojsik lailai；

Beijbaenz cwz rox vaiz，

Cungj wnggai caemh riengh.

女：最后第十句， 实在太可惜；

如黄牛水牛， 应住一栏里。

Sai: Sat daengq coenz daihcib，

Gaej doxvit cij baenz；

Muengh miz ngoenz doxgaen，

Byaij henz daemz wenqwenq.

男：最后第十句， 不要相抛弃；

盼有相随日， 塘边相嬉戏。

Mbwk: Gou goj naeuz baenzneix，

Caih mwngz ngeix lo lwnz；

Dangh bienq sim gaen vunz，

Youzcaih mwngz lo nw.

女：我就这么说， 由君去思索；

若变心跟人， 任意你去做。

Sai: Aeu song raeuz sim cingq，

Dingh mboujmiz lai yiengh；

Bouxlawz cungj mbouj siengj，

Caenh muengh mwngz lo doengz.

男：只要咱心正， 就不惹事生；

不再去想谁， 就盼和你逢。

Mbwk: Daengngoenz doek roengz bya,

Mbouj vah lo lauxbiuj；

Hanz gangj hix mbouj liux，

Hanz diuh hix mbouj caez.

女：太阳山谷掉， 不说了老表；

再讲也不完， 再述也不了。

Sai: Hix caengz suenq daiq haemh，

Gaenj gijmaz baenzlai；

Faenhgou lij lamh vaiz，

Youq gwnz baih dingj ndoi.

男：还不算太晚， 先别太急忙；

我还要拴牛， 在对面坡上。

Mbwk:Daengngoenz couh doek congh,

Mbouj rongh geijlai nanz；

Faenfwngz lo doengzban，

Hoengqhanz menh dauq daeuj.

女：太阳快落山， 日光就要完；

分手吧老同， 有空再叙谈。

Sai: Duenq ndei liux cij daeuj，

Mbouj ndaej youq daengz haemh；

Ngoenzneix cungj ndi baenz，

Ngoenzlaeng gya hoj muengh.

男：相约好才来， 却不能多谈；

今天没说成， 日后就更难。

Mbwk: Daengngoenz doek roengz

congh,

Mbouj rongh geijlai seiz；

Daengngoenz couh roengzbae，

Sat coenz neix lo ba！

女：太阳洞里落， 光亮已不多；

太阳快下去， 这句结束啰！

Sai: Song raeuz biek baema，

Miz vah daengq hix daeuj；

Geiq cingq dwk baengzyoux，

Dauq daeuj neix doxraen.

男：咱辞别回寨， 接到话就来；

牢记吧朋友， 再到此抒怀。

(sat)