Lwgndae:Lwgndae singq caep, ndaej siu ndat、nyinh bwt、seng raemx、gaij hozhawq、dingz ae、giep myaiz, hab gwn daeuj yw hezyaz sang、menhsingq cihgi’gvanjyenz、doenghmeg giet ndongj、baezhangx ok lwed、haex gengndongj daengj bingh.

Lwgndae gwn donq aen couh ngamj, gwn lai rox baenz dungx- raeng. Danghnaeuz mehdaiqndang nyuenz miz veiyenz、dungx biux naeuh gwn lai, couh gojnwngz rox yaeuhfat baenz dungx mbongq congh、dungx ok lwed.

Gyoijhom: Mehdaiqndang wng lai gwn di gyoijhom ndeu, aenvih gyoijhom hamz miz gyaz caeuq yezsonh lai. Yingzyangjyozgyah naeuz, mehdaiqndang ceiq ndei moix ngoenz gwn aen gyoijhom ndeu.

Makbingzgoj: Makbingzgoj mboujdanh hamz sinh daengj veiz- lieng yenzsu, lij hamz miz lauz、dansuij vahozvuz、lai cungj veiz- swnghsu daengj yingzyangj cwngz- fwn, ndaej bang lwgndawdungx ngoenzlaeng geiqsingq.

Makmangzgoj: Makmangzgoj hamz dangz、danbwzciz、gai、linz、diet daengj cwngzfwn, gwn de ndaej ik dungx、dingz rueg、siu ngunh, ndaej yw binghdaraiz、hezyaz sang daraiz、rub myaiz. Danhseih boux doiq mangzgoj miz gominj cix mbouj hab gwn.