□ Veiz Aibanh/韦爱搬

Bineix Roekit Cietlwgnyez, vihliux hawj gyoengq lwgnyez cauh aen fwnveiz angqyangz、nauhyied ndeu, sawj gyoengq lwgnyez gvaq aen ciet miz yiyi ndeu, Vanzgyangh Mauznanzcuz Swciyen Swh’wnh Cin Sihnanz Siujyoz guh le lai cungj lai yiengh hozdung daeuj angqhoh cietlwgnyez. Hozdung neiyungz baenbaenz sausenh duiyenz moq haeuj doih senhsi; “gou doeg saw gou angqyangz” doxdax boih saw; vehveh doxdax; dwkgiuz doxdax. Gyoengq sausenh duiyenz moq cingsaenz gvaekgvaek hwnj daiz senhsi, roengz gietsim aeu guh boux ciepban dangj. Doxdax boih saw ciengzmienh angqyangz、nauhyied raixcaix, gyoengq hagseng boih saw sing goksasa, raeuzradrad, singcingz caezyungh, gamjcingz caensaed. Lauxsae hix hwnj daiz bae caeuq hagseng itheij boih saw, caez yiengjsouh seiz angqyangz neix, haisim dangqmaz. Doeklaeng lauxsae fat ciengjbinj hawj gyoengq hagseng, gujli gyoengq hagseng gaenx doeg saw, hag ndei cihsiz, guh boux lwgnyez maenhndei ndeu, majhung le vih guekgya okrengz swhgeij.