Daiqndang le aeu lai bouj di yingzyangj ndeu. Bya hamz miz youhciz danbwzciz lai, lij hamz miz youhciz bubaujhoz cihfangzsonh、anhgihsonh、lonjlinzcih、veizswnghsu D caeuq gyaz、gai、sinh daengj gvangvuz yenzsu dem, de dwg gij doxgaiq mehdaiqndang caeuq lwgndawdungx fazyuz aeu miz haenx. Cawz neix le, mehdaiqndang gwn bya lij miz baihlaj ndeicawq:

1、Yingzyangj gig caezcienz. Lumj de hamz miz gij doxgaiq gwnzneix, doiq lwgndawdungx fazyuz gig miz ndeicawq.

2、Ndaej hawj mehdaiqndang sim- cingz ndei. Ndaw nohbya hamz miz cungj doxgaiq ndeu heuhguh cihfangzsonh, mehdaiqndang ciengz gwn bya simcingz couh lai ndei di, ndaej bangcoh seng boux lwg ndang ndei ndeu.

3、Lwgnyez siliz ndei. Mehdaiq- ndang gwn bya, lwgnyez doekseng le siliz de gig vaiq couh gaen ndaej hwnj vunz- hung.

4、Ndaej yawhfuengz lonlwg. Goh- yozgyah cingqsaed, lai gwn bya mboujdanh ndaej seng boux lwgnyez ndang ndei ndeu, caemhcaiq hawj lwgnyez maj engq maengh- coek.

Bouxyenzgiu nyinhnaeuz, ndaw noh- bya hamz miz omega-3 cihfangzsonh gig lai, ndaej ragraez geizdaiqndang, fuengz lonlwg, caemh ndaej demgya ndangnaek lwgnding. Mehdaiqndang moix aen singhgiz gwn baez nohbya ndeu, ndaej hawj lonlwglwd doekdaemq 1.9%.