□ 关仕京 搜集翻译

（接上期）

Sai: Aeu nuengx ma guh yah，

Cungj mbouj ndaq coenz hung；

Haeuxsan caengz ndaej cung，

Doengzcaez gwn haeuxraeh.

男：我娶妹为妻， 不乱骂一句；

大米未舂成， 一同吃谷粒。

Mbwk: Ndaej beix ma guh gvan，

Cangndang hawj vunz yawj；

Roekcaet nyied daihsawq，

Mbouj hawj beix duet haiz.

女：得哥做姑爷， 扮靓去赶街；

七月大暑天， 不让哥脱鞋。

Sai: Ndaej nuengx ma guh baz，

Caez ndaem naz ndaem reih；

Byaij loh gaem fwngz bae，

Guh vunzseiq cij yungz.

男：得妹来做妻， 共耕田种地；

走路手牵手， 人生才欢愉。

Mbwk: Ndaej beix ma guh gvan，

Sim mbouj fanz saek yiengh；

Caez doxdaz doxduengh，

Doxbuenx gvaq seiqvunz.

女：以哥为夫君， 心不再烦闷；

咱互帮互助， 相伴度人生。

Sai: Ndaej nuengx ma guh baz，

Ndai naz doxcaemh liengj；

Gohaeux ndai boux mbiengj，

Boux liengh boux hix riu.

男：娶妹永相连， 共把伞耘田；

一起耘蔸苗， 相觑露笑脸。

Mbwk: Ndaej beix ma guh gvan，

Cangndang lumj canghheiq；

Song raeuz ndaej doengzdoih，

Baenz seiq mbouj doxceng.

女：得哥做丈夫， 演员般妆好；

两人成伴侣， 一生不争吵。

Sai: Nuengx gangj cix riunyumj，

Lumj duzfungh gamz va；

Song raeuz giet gvanbaz，

Baenaj cij ing’yungz.

男：妹笑颜如画， 像凤凰衔花；

两人结夫妻， 将来才荣华。

Mbwk: Ndaej yienghneix cix ndei，

Sim vuenheij dangqmaz；

Ndaej bae laeng beix gya，

Mbouj you naj heiq laeng.

女：这样心好甜， 有快乐无限；

能去到哥家， 不忧后忧前。

Sai: Aeu nuengx ma guh yah，

Cungj mbouj ndaq coenz naek；

Bae guhhong ma baeg，

Lij doxyaek gangjriu.

男：娶妹为爱妻， 不重骂一句；

干活累回家， 还逗乐取趣。

Mbwk: Ndaej caeuq beix doxaeu，

Dai simdaeuz cij cih；

Caeuq beix caemh seizgvih，

Sim cij sij guh vunz.

女：能同哥共住， 死了心才服；

与哥共钥匙， 才觉得幸福。

Sai: Nuengx ndaej daeuj laeng gou，

Cix mbouj you mbouj heiq；

Song raeuz gietdoiq ndei，

Guh seng’eiq lauz cienz.

男：妹嫁我当媳， 就无忧无虑；

咱俩能结对， 搞生意富裕。

Mbwk: Hawj beix guh seng’eiq，

Nuengx bau leix hokranz；

Seng’eiq ndaej ngaenz fanh，

Gou youq ranz buenx lwg.

女：让哥做生意， 后勤妹管理；

生意赚大钱， 我管好儿女。

Sai: Ndaej aeu mwngz guh yah，

Daek raemxnaj raemxdin；

Doengzhaemh aemq ma ninz，

Haet caiq cing mwngz hwnq.

男：能娶妹为妻， 端水给你洗；

夜晚抱上床， 清早又牵起。

Mbwk: Mbouj dwg naeuz lwgnyez，

Bohmeh aemq ma ninz；

Gou nienz ngeihcib lingz，

Cing fwngz naj cungj nyaenq.

女：不是小婴孩， 母抱去睡眠；

我二十好几， 牵起床丑脸。

Sai: Nuengx ndaej daeuj laeng gou

Bau gueng mou gueng gaeq；

Caez dox ndaej fugsaeh，

Daihcaez mbouj doxyiemq.

男：妹能嫁给我， 包喂猪喂鸡；

两人互服侍， 双方永相依。

Mbwk: Baenzbaenz cungj song raeuz，

Song duz ngaeuz ndaw gingq；

Song duz nyanh doengz mbin，

Song sing doengzcaez heuh.

女：我俩天注定， 似镜中双影；

两雁共高飞， 双声同时鸣。

Sai: Gangj lai cix raen lai，

Dangq vaiz nyaij haeuxriengz；

Daengngoenz doek ndit iengj，

Camh iu nuengx faenliz.

男：讲多是累赘， 似牛嚼稻穗；

日落夕阳照， 暂辞别金妹。

Mbwk: Camh gangj daengz giznix

(gizneix)，

Faenliz lo baengzyoux；

Baez iet fwngz okdaeuj；

Gaem fwngz couh baema.

女：讲到这时候， 分别了朋友，

请伸手出来， 去前握握手。

(caengz sat)