在非洲一片茂密的丛林里走着四个皮包骨头的男子，他们扛着一只沉重的箱子，在茂密的丛林里踉踉跄跄地往前走。

这四个人是：巴里、麦克里斯、约翰斯、吉姆，他们是跟随队长马克格夫进入丛林探险的。马克格夫曾答应给他们优厚的工资。但是，在任务即将完成的时候，马克格夫不幸得了病而长眠在丛林中。

这个箱子是马克格夫临死前亲手制作的。他十分诚恳地对四人说道：“我要你们向我保证，一步也不离开这只箱子。如果你们把箱子送到我朋友麦克唐纳教授手里，你们将分得比金子还要贵重的东西。我想你们会送到的，我也向你们保证，比金子还要贵重的东西，你们一定能得到。”

埋葬了马克格夫以后，这四个人就上路了。但密林的路越来越难走，箱子也越来越沉重，而他们的力气却越来越小了。他们像囚犯一样在泥潭中挣扎着。一切都像在做恶梦，而只有这只箱子是实在的，是这只箱子在撑着他们的身躯！否则他们全倒下了。他们互相监视着，不准任何人单独乱动这只箱子。在最艰难的时候，他们想到了未来的报酬是多少，当然，有了比金子还重要的东西……

终于有一天，绿色的屏障突然拉开，他们经过千辛万苦终于走出了丛林。四个人急忙找到麦克唐纳教授，迫不急待地问起应得的报酬。教授似乎没听懂，只是无可奈何把手一摊，说道：“我是一无所有啊，噢，或许箱子里有什么宝贝吧。”于是当着四个人的面，教授打开了箱子，大家一看,都傻了眼，满满一堆无用的木头！

“这开的是什么玩笑？”约翰斯说。

“屁钱都不值，我早就看出那家伙有神经病！”吉姆吼道。

“比金子还贵重的报酬在哪里？我们上当了！”麦克里斯愤怒地嚷着。

此刻，只有巴里一声不吭，他想起了他们刚走出的密林里，到处是一堆堆探险者的白骨，他想起了如果没有这只箱子，他们四人或许早就倒下去了……巴里站起来，对伙伴们大声说道：“你们不要再报怨了。我们得到了比金子还贵重的东西，那就是生命！”

马克格夫是个智者，而且是个很有责任心的人。从表面上看，他所给予的只是一堆谎言和一箱木头；其实，他给了他们行动的目的。人不同于一般动物之处是人具有高级思维能力，因此人就无法和动物一样浑浑噩噩生活，人的行动必须有目的。有些目的最终仍无法实现，但至少，他们曾经激励的支撑了我们的一段生活，这就值得感谢。现代人的无聊、厌世、缺少激情，其病根，大都在于目的的丧失。说到底，我们还得有所追求才好。

Youq Feihcouh benq ndoengfaex mwncup he, miz seiq boux bouxsai byombyang youq ndawde byaij , gyoengqde ram aen sieng naekgywdgywd he, youq ndaw ndoengfaex mwncup saemxsaemx saxsax byaij bae naj.

Seiq boux vunz neix dwg:Bahlij、Mwzgwzlijswh、Yozhanswh、Gizmuj, gyoengqde dwg riengz duicangj Majgwzgwzfuh haeuj ndaw ndoengfaex bae damq- yiemj. Majgwzgwzfuh dapwngq gvaq yaek hawj gyoengqde haujlai cienz. Hoeng, youq mwh yinvu yaek vanzcwngz, Majgwzgwzfuh gig boihseiz baenz bingh dai youq ndaw ndoengfaex lo.

Aen sieng neix dwg Majgwzgwzfuh mwh yaek dai caenfwngz guh baenz. De caensim caen’eiq doiq seiq boux vunz naeuz: “Gou heuh sou caeuq gou baujcingq, yamq ndeu hix mbouj lizhai aen sieng neix. Danghnaeuz sou dawz aen sieng neix soengq daengz ndaw fwngz baengzyoux gou Mwzgwz- dangznaz gyausou bae, sou yaek baen ndaej doxgaiq beij gim lij dijbauj. Gou siengj sou itdingh soengq daengz, gou hix caeuq sou baujcingq, doxgaiq beij gim lij dijbauj, sou itdingh aeu ndaej daengz.”

Haem Majgwzgwzfuh le, seiq boux vunz neix couh hwnjdin lo. Hoeng loh ndaw ndoengfaex yied byaij yied dwgrengz, aensieng hix yied daeuj yied naek, gyoengqde youh yied daeuj yied mbouj miz rengz lo. Gyoengqde lumj vunzfamh nei youq ndaw boengz cukcak. Doengh gijneix lumjbaenz loq fangzhwnz nei, cijmiz aen sieng neix dwg caensaed, dwg aen sieng neix daemx dwk aenndang gyoengqde, mboujnex gyoengqde couh dingj mbouj ndaej lo. Gyoengqde dox gam yawj, mbouj cinj saek boux vunz dandog luenh doengh aen sieng neix. Youq mwh ceiq sinhoj, gyoengqde siengj daengz daengzcog ndaej geijlai cienz, dangyienz, lij miz doxgaiq beij gim lij dijbauj……

Doeklaeng miz ngoenz ndeu, ndoengfaex sawqmwh rongh lo, gyoengqde ginggvaq cien sin fanh hoj dauqdaej byaij ok ndoengfaex daeuj lo. Seiq boux vunz ganjgip ra daengz Mwzgwzdangznaz gyausou, deq mbouj gib cam aeu gij cienz gyoengqde wnggai ndaej haenx. Gyausou lumjbaenz dingq mbouj rox, cij fouznaih aj song gaiq fwngz de, naeuz: “Gou gijmaz cungj mbouj miz bw, o, aensieng neix aiq miz gijmaz doxgaiq dijbauj ba.” Yienghneix youq dangnaj seiq boux vunz, gyausou hai aensieng, daihgya baez yawj, cungj ngawz lo, ndaw sieng dwg sieng faex rimmwd mbouj miz yungh he.

“Guh maz yienghneix loengh vunz?” Yozhanswh naeuz.

“Roet cienz cungj mbouj dij, gou caeux couh yawj ok ndaek vunz neix dwg mbouj cingqciengz!” Gizmuj rongx dwk naeuz.

“Beij gim lij dijbauj youq gizlawz? Raeuz hwnjdangq lo!” Mwzgwzlijswh hozndat dwk naeuz.

Seizhaenx, cijmiz Bahlij mbouj gangj vah, de siengj hwnj ndoengfaex gyoengqde ngamq byaij okdaeuj haenx, baihndaw gizgiz cungj dwg gij ndokhau bouxdamqyiemj, de siengj hwnj dangh- naeuz mbouj miz aen sieng neix, seiq boux de aiq dwg caeux couh vutmingh lo……Bahlij ndwn hwnjdaeuj, doiq doengzdoih naeuz: “Sou gaej ienq lo. Raeuz ndaejdaengz doxgaiq beij gim lij dijbauj haenx, couh dwg sengmingh!”

Majgwzgwzfuh dwg bouxvunz coengmingz, vanzlij dwg bouxvunz miz cwzyinsinh he. Daj biujmienh daeuj yawj, de hawj gyoengqde haenx cij dwg doi vahgyaj caeuq sieng faex he; gizsaed de hawj le muzdiz gyoengqde bae guh. Vunz caeuq itbuen doenghduz giz mbouj doengz haenx dwg vunz rox siengj, ndigah vunz couh mbouj miz banhfap lumj doenghduz nei mbouj rox saek yiengh, huzhuz duzduz gvaq saedceij, vunz guh gijmaz itdingh miz muzdiz. Mizmbangj muzdiz doeklaeng lij mbouj miz banhfap saedyienh, hoeng ceiqnoix, gij muzdiz neix gik raeuz daemx raeuz gvaq duenh saedceij he, neix couh wngdang docih. Vunz raeuz seizneix daengx ngoenz mbwqmbwt、simnaiq、mbouj miz gikcingz, yienzaen couh dwg mbouj miz muzdiz. Gangj daengzdaej, raeuz lij dwg miz muzdiz bae guh cij ndaej.

(Mungz Yenginz hoiz)