在美丽的草原上，曙光刚刚划破夜空，一群羚羊从睡梦中惊醒。“新的一天开始了，我们得抓紧时间跑，如果被猎豹发现了，就可能被吃掉！”于是，羚羊群起身向着太阳升起的方向飞奔而去……

几乎在羚羊群奔向远方的同时，一只猎豹也惊醒了，它起身摇摆了几下壮实的身躯以抖去身上的灰尘，“已经有两天没吃东西了，我得立即开始寻找昨晚没有追上的猎物，如果今天还追不上它，我可能会饿死！” 猎豹望着太阳升起的方向，大吼一声，狂奔而去……

就这样，每当一天刚刚开始，地球上便出现了一幅壮观的景象：猎豹紧紧追赶着羚羊群，它们各自拼命地奔跑，在它们身后扬起滚滚黄尘……

这场追逐的结局只有两种情况——羚羊快，猎豹可能会饿死；猎豹快，羚羊就会被吃掉……但是，哪怕羚羊只比猎豹早跑上30秒，就有可能保全性命，这30秒就意味着羚羊或猎豹是活着还是死去……

Youq gwnz diegnywj gvangqlangh gyaeundei, mbwn ngamq wenj rongh, gyoengq lingzyiengz he daj ndaw fangzhwnz ndiu daeuj. “Youh ngoenz he hainduj lo, raeuz yaek cagaenj seizgan buet, danghnaeuz deng duzbeuq raen, couh aiq deng de gwn lo!”Yienghneix, gyoengq lingzyiengz hwnq- daeuj, buet coh giz daengngoenz swng hwnj haenx……

Youq mwh gyoengq lingzyiengz buet bae coh giz gyae, duz beuq he hix ndiu lo, de ndwn hwnjdaeuj bi aenndang de geij mbat, bi gij faenx gwnz ndang maengh de bae. “Gaenq song ngoenz mbouj miz doxgaiq gwn lo, gou sikhaek bae ra doenghduz gou haemhlwenz mbouj gyaep daengz haenx, danghnaeuz ngoenzneix gyaep mbouj ndaej dawz de, gou couh aiq iek dai bw!” Duzbeuq yawj giz daengngoenz hwnj haenx, rongx sing hung he, beuz coh baihnaj……

Couh yienghneix, moix dang ngoenz ndeu ngamq hainduj, gwnz digiuz couh okyienh fuk gingjsiengq ndeiyawj he: Duzbeuq gaenjgaenj bae gyaep gyoengq lingzyiengz, gyoengqde gag buekmingh buet dwk, youq baihlaeng gyoengqde faenxhenj mbin hwnj mongmumu……

Ciengz doxgyaep neix doeklaeng cijmiz song cungj cingzgvang——lingzyiengz buet ndaej vaiq, duzbeuq couh aiq iek dai; duzbeuq buet ndaej vaiq, lingzyiengz couh deng duzbeuq gwn……hoeng, couhcinj lingzyiengz cij beij duzbeuq buet gonq samcib miux, couh aiq ndaej bauj aenmingh de, samcib miux neix ndaej gietdingh lingzyiengz roxnaeuz duzbeuq dwg lix roxnaeuz dai bae……

(Mungz Yenginz hoiz)