□ 关仕京 搜集翻译

（接上期）

Sai: Naz ndaem gonq cix baenz，

Ndaem laeng caemh ndaej gvej；

Giet gvanbaz liux ne，

Caemhdangq meh doengz seng.

男：田早种才行， 晚种也收成；

结夫妻以后， 亲似同母生。

Mbwk: Song raeuz ndaej doxaeu，

Gvaqhaeuh caez mbouj heiq；

Daengz baez de liux beix，

Ciengqheiq hawj vunz yawj.

女：咱俩能成亲， 以后不忧烦；

到那个时候， 唱戏给人看。

Sai: Ndaej yienghneix vunzbaz，

Va’byaz ndaej ok aen；

Ciuq gij vah mwngz ngaenz，

Dai haeuj yaem lij muengh.

男：能娶妹回乡， 竹花结果香；

你话能实现， 入阴仍渴想。

Mbwk: Saedsaeh mbouj saedsaeh，

Caengz gaj gaeq cingj moiz；

Danghnaeuz beix simhoi

(simhai)，

Cingj bouxmoiz daeuj byaij.

女：能否变成真， 杀鸡请媒人；

倘若哥开心， 让媒婆登门。

Sai: Diuzhanz seiq diuz ding，

Mbouj bingz youz raeuz lumh；

Song boux gyaez doxlumj，

Cungj mbouj yungh ra moiz.

男：扁担四颗丁， 平否咱心明；

两人都相爱， 媒婆不用请。

Mbwk: Baelaeng beix guh yah，

Hauj guhmaz simaeng；

Ndaej caeuq mwngz doxgaen，

Louz daihlaeng guh goj.

女：嫁给哥当妻， 我多么欢喜；

能与你相随， 留后代追忆。

Sai: Aeu nuengx ma daengz ranz，

Gaiqdangz faen boux gyaeuj；

Haet hwnqdaeuj cawj haeux，

Raeuz song boux ram rek.

男：娶妹来作伴， 粒糖各一半；

清早煮饭时， 活儿共分摊。

Mbwk: Ndaej bae laeng mwngz gim，

Naengh byaicim cungj net；

Sam ngoenz mbouj gaq rek，

Ga doxgvet lij riu.

女：能嫁给阿哥， 坐针尖也乐；

三天不开锅， 腿软不觉饿。

Sai: Ndaej aeu mwngz saugim，

Naengh byaicim cungj onj；

Sam ngoenz mbouj raen donq，

Cungj mbouj ngon dungxiek.

男：能把妹娶到， 坐针尖也牢；

三天不进餐， 不觉饥饿扰。

Mbwk: Ciuq beix naeuz yienghneix，

Nuengx vuenheij lai lou (lo)；

Cam bohmeh mwngz gaeuj，

Hawj aeu gou ma lwi?

女：听哥这言语， 妹十分欢喜；

问你父母看， 是否让你娶？

Sai: Bohmeh gou cungj naeuz，

Aeu dah neix guh yah；

Boux vunz neix guenj gya，

Rox dajveh fatcaiz.

男：父母都说开， 娶这女回来；

你这人管家， 会筹谋发财。

Mbwk: Bohmeh gou caemh naeuz，

Ndaej boux neix guh gvan；

Guhhong cix naengzganq，

Goengrengz lanh dangqmaz.

女：我父母也提， 得这人当婿；

劳动很能干， 力量大无比。

Sai: Ndaej caeuq nuengx doengz gwn，

Ndaej song vunz caemh youq；

Song boux ninz caemh gyaeuj，

Vasigloux giet aen.

男：与妹同餐桌， 两人共生活；

咱俩一枕头， 石榴结硕果。

Mbwk: Deq daengz ngoenz de ga，

Caez gwih max haeuj singz；

Miz baenzlai aencingz，

Song raeuz ninz caemh gyaeuj.

女：等到那一天， 同骑马进城；

有恁多情意， 两人共入梦。

Sai: Ndaej aeu nuengx ma ranz，

Naed haeuxsan boux di；

Ndaej caemh heuh bohmih，

Sim cij cih guh vunz.

男：娶妹共创业， 粒米各一截；

能同叫父母， 做人心才悦。

Mbwk: Ndaej caeuq beix heuh meh，

Dangq haeuxmeq raen fwn；

Ndaej caeuq beix doengz gwn，

Mbouj baenz vunz mbouj ienq.

女：与哥同叫娘， 旱稻缝甘霖；

能与哥进餐， 再苦也塌心。

Sai: Ndaej aeu nuengx ma ranz，

Sim cij gam guh vunz；

Song raeuz ndaej gietvaen，

Simcung cij hailangh.

男：能娶妹作伴， 做人才心甘；

咱俩能结婚， 心花才灿烂。

Mbwk: Ndaej caeuq beix caemh rug，

Sim cij fug guh vunz；

Ndaej caeuq beix doengz gwn，

Youq sim yungz faiq danh.

女：能与哥共眠， 才甘心情愿；

能与哥同吃， 心舒松似棉。

(caengz sat)