●6 nyied 27 hauh, Ningz- mingz Yen Caianh Yangh Lizmwnz Cunh Mbanjbwzsanh(youq dieg henzguek gyawj Yeznanz) gawjbanh aen ciet bofwen minzcuz conzdungj. Youq banh ciet geizgan, Ningz- mingz Yen gak cuz ginzcung gaihcanj buek hozdung gig miz minzcuz daegsaek he, yinx 8000 lai vunz doxgyawj、canghfwen Yeznanz daengj daeuj camgya nem ngonzyawj.

(Couh Yizgangh Sinh Gyah- bingz)

●6 nyied 26 hauh banhaemh, Denzlinz Yen gawjhengz geiqniemh Cunghgoz Gungcanjdangj laebbaenz 92 hopbi“caet·it”habciengq dox- dax. 19 aen daibyaujdui daj daengx yienh gak bumwnz gak danhvei daeuj haenx camgya doxdax, 2000 lai boux gak cuz dangjyenz ganbu nem cungh siuj hagseng ciengq gogwzming, angqhoh dangj 92 hopbi.

(Banh Sauginh)

●6 nyied 28 hauh lajbyongh- ngoenz, Vanzgyangh Mauznanz- cuz Swciyen seiq aen lingjdauj banhswj daiqlingx 150 boux dangjyenz ganbu daengz ndaw yienh Daanh Yangh Gojai Cunh guh“Vanzgyangh gyaeundei·mbanjranz heuswd”ngoenz dangj cawjdaez hozdung, vunzlai gyoebrengz ndaem 100 lai go faexmiuz bengz.

(Veiz Giveih)

●6 nyied 28 hauh, Cungh- goz(Nanzningz·Cinghsiu) fouxlungz baijyienj nem daihcib’it gaiq Cunghgoz minzgenh vwnzyi sanh- vahciengj·minzgenh yisuz byauj- yenjciengj bingzciengj hozdung youq Nanzningz Gozci Veicanj Cungsim gawjhengz, 17 aen doih- fouxlungz daj daengx guek 16 aen swngj、si daeuj haenx doxcomz Nanzningz, doxdax aeuciengj.

(Yiz Sienghcenz)

●6 nyied 28 hauh, Liujcouh Si Mingzswng Giceh Youjhan Gunghswh cujciz 30 lai bouxaisinh daengz Yungzsuij Myauzcuz Swciyen Ganjdung Yangh Ginjdung Myauzcai Siujyoz, soengq 270 dauq daehsaw、swdenj、vwnzgi daengj doenghyiengh hagsib nem 200 dauq daiz eij gungh dij 8 fanh lai maenz haenx hawj 270 boux lwgnyez Myauzcuz.(Lungz Linzci)