Daj bineix daeuj, Lungzcouh Yen Minzcuzgiz comz gak loih beizyin swhyenz, daihlig saedhengz vunzcaiz saedyungh saujsu minzcuz lajmbanj beizyin gunghcwngz.

It dwg comz beizyin swhyenz, gaihcanj cienz fanghvei beizyin. Cienzmienh lozsiz yienh、yangh、cunh“sam gaep beizyin”cidu, cienzmienh saedhengz doenghboux vunzcaiz ginwngz beizyin、lajmbanj lauz- dungliz gaij hong beizyin nem lajmbanj vunzcaiz saedyungh beizyin sam daih gunghcwngz, daihlig beizyangj dajndaem、dajciengx、nungz fucanjbinj gyagoeng nem ginghyingz guenjleix vunzcaiz.

Ngeih dwg gaihcanj“sam roengz mbanj”hozdung, saedhengz cungdenj beizyin. Leihyungh seizdoeng seizcin daengj seizhoengq, gaihcanj“soengq vwnzva、soengq gohgi、soengq raeuj”sam roengz mbanj hozdung; gawjbanh denhan、coih giceh、meijyungz meijfaz daengj ginwngz beizyinbanh nem raed cingj gomak、dajciengx doihduz、dajndaem byaekgwn daengj gisuz beizyinbanh 100 lai geiz, beizyin 10000 lai vunzbaez.

Sam dwg gyoebbaenz conhgyah fuzvudonz, gaihcanj cangzdaiva beizyin. Senj baij conhyez yinzyenz haeuj yangh(cin), gaihcanj gohgi fuzvu nem beizyin, haeuj gyaeuj reih gyaeuj naz yiengq nungzminz senhconz gohyoz cihsiz, daengz dieg cijdauj nungzminz、yienhciengz fuzvu、riengzlaeng beizyin.

Seiq dwg baengh conhyez hezvei, doihaeuj coengh daiq doxgyau beizyin. Dingh seizgan cujciz gak hezvei cwngzyenz ciuhai gingniemh gyauhliuzvei, doigvangq gingniemh nem gisuz moq, son gisuz, daiq- doengh nungzhoh baenzfouq.

Haj dwg laebguh“ranzsaw nungzgyah”, cangdauj gag guh beiz- yin. Gaihcanj“ranzsaw nungzgyah”roengz yangh haeuj mbanj hozdung, youq lajmbanj laebhwnj nungzminz doegsaw yezlanjsiz 200 lai aen, miz saw 5 fanh lai bonj.

Daj bineix daeuj, Lungzcouh Yen gonqlaeng laebhwnj 12 aen lajmbanj gohgi sifan gihdi, 25 aen lajmbanj ginghci hezvei, cujciz gaihcanj“sam roengz mbanj”hozdung 100 lai baez, gawjbanh gak cungj lajmbanj gisuz beizyinbanh 200 lai geiz gungh 8000 lai vunzbaez, beizyangj 200 lai bouxdaeuz daiq lajmbanj baenzfouq.

(Cwngh Hungz Lij Daz)