Seizhah, mbangj lwgnyez daengx ndang hwnj bitfiengj, humzhaenz swgswg. Vihneix, bohmeh hix simgip dangqmaz, siengj banhfap siu bitfiengj lwgnyez, hoeng, lwgnyez hwnj bitfiengj aeu haeujsim haj geih:

It、Geih gaeu humz. Ciengzseiz gaeu humz ciengz rox yinxhwnj sigin ganjyenj, bienqbaenz doeg bitfiengj caeuq baeznong.

Ngeih、Geih duet buh. Ciengzseiz duet buh lohgangh, rox hawj naengnoh noix luep henhoh ndeu, engq yungzheih deng ndit gig, bitfiengj hwnj engq lai engq deih.

Sam、Geih buhvaq gaeb. Seizhah buhvaq lwgnyez wng gvangq unq, fuengbienh raemx- hanh fwifat. Danghnaeuz buhvaq daiq gaeb daiq geng, rox mboujduenh nucat gig naengnoh.

Seiq、Geih raemxgyoet caemxndang. Yungh raemx- gyoet gig naengnoh, sailwed conghbwn raemhrwnh sousuk, conghbwn sikhaek hup haeuj, raemxhanh fwifat mbouj ndaej, bitfiengj couh hwnj engq lai.

Haj、Geih seizbienh luenh yungh mbabitfiengj、vahlusuij cat ndang. Yungh mbangj mbabitfiengj, wng sien sawq lwgnyez dwg mbouj dwg hwnjnwnj. Mwh yungh seiz, mbabitfiengj caeuq vahlusuij ceiq ndei gyonjgyoeb yungh.