□ 关仕京 搜集翻译

（接上期）

Sai: Mwngz ndiep gou caemh ndiep，

Dangq aenbiek ciep mungz；

Mwngz ndiep gou ndiep lwnz，

Gou gyaez mwngz ciengxlwenx.

男：你恋我也恋， 似芋叶相连；

你真爱阿哥， 我爱你永远。

Mbwk:Fouz baenz biuz gyang dah，

Ngoenz maz ndaej gaenh haenz;

Mbouj ndiep gwn ndiep daenj，

Ndiep cingzaen beixlwnz.

女：浮萍飘河面， 何日能靠边；

不爱吃和穿， 爱哥情缠绵。

Sai: Ndiep mwngz nuengx lailai，

Gwn ngaiz mbouj daengz laj；

Ndaej bienqbaenz duzmbaj，

Caez mbin gvaq gyangmbwn.

男：爱妹深如洋， 饭菜吃不香；

盼变成蝴蝶， 空中齐飞翔。

Mbwk: Song raeuz miz aenyienz，

Yawj saedyienh mbouj nanz；

Cungj yaek siengj caemh ranz，

Deng mbwn fan dangq henz.

女：咱俩有姻缘， 看来可实现；

总想共一家， 天翻只等闲。

Sai: Gwn laeuj bak cix na,

Gwn caz bak caiq haemz；

Mbouj ndaej aeu mwngz ngaenz， Dai haeuj yaem cungj muengh.

男：喝酒嘴麻木， 喝茶口觉苦；

没能娶银妹， 阴间仍不服。

Mbwk: Dai bae moh hwnj haz,

Lij bae gwnz de daej;

Dai bae moh hwnj faex,

Cungj gaj gaeq bae baiz.

女：死去墓草密， 到上面哭啼；

死后墓树高， 还杀鸡去祭。

Sai: Song raeuz ndaej baenz ndei，

Gou ngeix caemh mbouj lumz；

Dai bae moh hwnj rum，

Lij bae gwnz de lienh.

男：咱俩这么好， 我无法忘怀；

死后墓生草， 在上面徘徊。

Mbwk: Ndaej yienghneix cix baenz，

Ndaej dem ngaenz guhdoih；

Yienghneix dang vunzseiq，

Cij mbouj heiq mbouj you.

女：这样做才好， 愿与哥交友；

如此过人生， 才无虑无忧。

Bet、Doxcing

相 牵

Sai: Song raeuz ndaej guhdoih，

Fukheiq dwg caezgya；

Caen miz sim liuga，

Lau raennaj mbouj heih.

男：咱能作伴侣， 是大家福气；

倘若真有心， 见面也容易。

Mbwk: Yawjraen boux vunz byaij，

Gou cix laihnaeuz mwngz；

Duzyiuh mbin gvaq gwnz，

Ngeix naeuz lwnz daeuj cimh.

女：见人走大道， 以为是你到；

苍鹰蓝天飞， 估摸你来找。

Sai: Haet bae reih cix caz，

Ngoenz bae naz cix siengj；

Mbouj rox baenzlawz yiengh，

Caenh muengh mwngz lo doengz.

男：清早下地问， 白日下田想；

不知是何因， 总盼见妹样。

Mbwk: Byaij gokgok cungj caz，

Bae lawz ma cungj neb；

Raen boux daenj buhbeg，

Gou sebseb naeuz mwngz.

女：去哪都探底， 返回都寻迹；

见穿白衣者， 我喃喃说你。

Sai: Gau ok rog cix caz，

Raen gaujvaq hix cam；

Mwngz byaij ranz dawz ranz，

Raen doengzban gou lwi？

男：外出常查探， 乞丐也交谈；

你走村访寨， 见否我同伴？

Mbwk: Bae reih gou cix caz，

Bae naz gou cix un；

Seizseiz siengj mwngz lwnz，

Haeux mbouj gwn cungj imq.

女：去锄地也查， 去耘田也找；

时刻想阿哥， 饭不吃也饱。

Sai: Laep boenq vaiz haeuj riengh，

Cix siengj daengz doengzban；

Haeuj daiz baez gaem vanj，

Ngeix doengzban cix cuengq.

男：夜赶牛进栏， 就想到同伴；

入席拿筷条， 想你不思饭。

Mbwk:Vunz gwn haeux siengj haeux；

Gou gwn haeux siengj mwngz；

Gaem aenvanj laeng fwngz，

Ngeix daengz mwngz cix cuengq.

女：人吃饭想饭， 我吃饭思伴；

饭碗端手中， 想到你就放。

Sai: Vunz siengj naz bingzdeih，

Gou siengj reih doemsa；

Buenq bi mbouj ndaem naz，

Iu ndaem va gaeuj gingj.

男：人想田块长， 我思沙土壤；

半年不种地， 邀种花观赏。

Mbwk: Vunz siengj naz bingzdeih，

Gou siengj reih doemnding；

Ndaej caeuq naengh doxing，

Caiq doxcing bae youz.

女：人想田平广， 我想红土壤；

能与哥相依， 又携手游荡。

(caengz sat)