Mboengqgonq, Daihgouj Gaiq Nanzningz Gozci Lungzcouh Iucingjsai youq Nanzningz Si Nanzhuz Gunghyenz gawjbanh. Gaiq Lungzcouh doxdax neix, miz cien lai boux senjsouj camgya, gyoengqde dwg daj Daigoz、Yeznanz、Gyahnazda、Meizgoz、Dwzgoz、Aiwjlanz、Nanzfeih、Cungguek Yanghgangj daengj dieg daeuj, gungh baen baenz 56 aen dui, lungzcouh doxdax gaenjcieng ndeiyawj raixcaix. Hoeng, youq lungzcouh doxdax ndawde, fwen Bouxcuengh 、cien bi raen gyong、fouxsaeceij daengj gij minzsuz vwnzyi byaujyenj neix ndeiyawj raixcaix, yinx baenz cien baenz fanh vunz daeuj yawj. Neix dwg Nanzningz Si Cwngfuj daegdaengq banh aen hoih minzsuz youzyenz neix, youq ciet ngux nyied co’ngux caeuq ginzcung caez angq gvaq ciet. (Vangz Dungh)