Guek raeuz daihbet aen “ngoenz vwnzva yizcanj” dwg 6 nyied 8 hauh. Ngoenzde, Duh’anh Yauzcuz Swciyen hopngomx aen cawjdaez“bouxboux cungj dwg bouxcawj vwnzva yizcanj”neix, youq mbanjmoq Vahgangh Yauzcuz gawjbanh lai aen hozdung, aeu daeuj swnjcienz caeuq haujhoh aen guekgya giz feihvuzciz vwnzva yizcanj——Mizlozdoz neix.

Mizlozdoz dwg seigeq cauxbiengz Yauzcuz, riuzcienz youq gih raeuz baihsae ndawbiengz Yauzcuz gag heuhguh “Bouxnu”haenx,vunz youq mwh gietvaen gvaq ciet cij ciengq. Ndaw bonj sei miz 800 lai hot sei, lwnhgangj meh cauxbiengz—Mizlozdoz cauxbiengz dwgrengz ginggvaq caeuq gij saeh lwgminz doiq fanhfaed gejnaeuz haenx.（Sinhvwnz）