□ 关仕京 搜集翻译

（接上期）

Sai: Dajswh gyau mwngz lwnz，

Youq ngoenz hwnz cungj ngeix；

Beix ndiep nuengx lainoix；

Youz deihdeih gag dwen.

男：自与你相恋， 日夜都惦念，

哥爱妹多少， 天地有证言。

Mbwk: Ndiep mbouj raen beix gou，

Gag youq dangq vunzloengz；

Gwn haeux dangq gwn oen，

Youq hwnzngoenz cungj

muengh.

女：爱不见哥乖， 独自在发呆；

吃饭如吃棘， 日夜盼哥来。

Sai: Ndiep mwngz nuengx simlangx，

Mbouj ndaej gangj ok sing；

Mbouj raennaj mwngz gim，

Haemh ninz mbouj gyaez cangh.

男：爱妹心如焚， 无法讲出声；

不见金妹面， 夜睡懒翻身。

Mbwk: Gak boux youq gag mbiengj；

Youq siengj yaek daimaez；

Songsam leix roen gyae，

Cungj mbouj ndaej raennaj. 女：各人在一地， 想来要昏迷；

两三里路程， 却见不到你。

Sai: Ndiep nuengx mbaej caeuq gangj,

Sim caen fanz lai lou；

Diem din ok bakdou，

Ndang fouz mbouj gyaez yamq.

男：爱不能交谈， 实在太心烦；

要跨出门口， 身浮迈步难。

Mbwk: Beix ndiep nuengx cibngeih，

Nuengx ngoenz ngeix cibhaj；

Mbouj ndaej bae guh yah，

Cungj hoj gvaq seiqvunz.

女：哥爱妹十二， 妹日想十五；

不能去当妻， 这辈太难度。

Sai: Ndiep nuengx mbouj raennaj，

Ndei diuq dah diuq vaengz；

Mbaej raen naj mwngz ngaenz，

Byaij ndei laemx gyang luengq.

男：爱妹见不到， 急得上下跳；

没能见到你， 走路总跌倒。

Mbwk:Daj caeuq beix gyaucingz,

Nuengx aensim cix luenh;

Youq ngoenz siengj hwnz siengj,

Vaih bae mbiengj simdaeuz.

女：自与哥相恋， 心乱如麻线；

日想夜更想， 心头坏半边。

Sai: Gwn haeux dangq gwn oen，

Ndwnj mbouj roengz daengz laj；

Ndiep nuengx mbouj raennaj，

Yaek ndei cax gvej hoz.

男：吃饭如吃棘， 无法咽肚里；

爱妹不见面， 欲把脖割去。

Mbwk:Ndiep ha ndiep baenzseiq， Caenh ndiep beix mbouj lumz；

Daj doq dai roengz gumz，

Cungj caeuq mwngz guhdoih.

女：爱呀爱情郎， 一辈子难忘；

就算死埋地， 仍与你同堂。

Sai: Ndiepgyaez mbouj raen nuengx，

Youq sim luenh daraiz；

Ndiep nuengxgim lailai，

Saek ngoenz dai mbouj dingh.

男：真爱不见妹， 眼花又心乱；

爱金妹多多， 哪天死难断。

Mbwk: Gou doiq beix ndiepgyaez，

Gag maez caiq gag singj；

Ndaw hoz ngeixringring，

Yaek haeb linx daimaez.

女：我对哥深爱， 自醉自醒来；

心中想入迷， 欲咬舌断开。

Sai: Ndiep nuengx lai ha lwnz，

Lwed giet dungx baenz goenj；

Ninz mbouj gyaez haeuj congz，

Haeuxdonq mbouj gyaez gwn.

男：爱妹情浓浓， 血结块肚中；

夜不愿入睡， 饭茶不思用。

Mbwk: Beix ndiep nuengx dohmaz，

Gou gya ngeix mwngz lai；

Daek haeux ma daengz daiz，

Ngeix beix lai cix cuengq.

女：不只哥爱妹， 我想你更多；

装饭不肯吃， 思哥多难过。

Sai: Ndiep mwngz lai ha gim，

Gau roengzninz hix loq；

Iet ga caengz ndaej soh，

Loq raen nuengx geij cauq.

女：爱妹意绵绵， 睡下就梦见；

脚尚未伸直， 梦妹好几遍。

Mbwk: Ndiepgyaez mwngz baengz- cingz，

Haemh daengz ninz gag daej；

Duzroeg youq gwnz faex，

Cungj daeq gou siliengz.

女：珍爱朋友你， 夜来自哭啼；

树上那鸟儿， 也替我悲凄。

Sai: Haet hwnqdaeuj swiq naj，

Yawj gvaq mbiengj baihdoeng；

Ndiep mbouj raen mwngz doengz，

Daej da hoengz ok lwed.

男：清晨起洗漱， 遥望过东部；

爱而不见妹， 悲哭血泪出。

Mbwk: Rox mwngz ndiep mbouj ndiep，

Gou hix ndiep hix ngeix；

Ndwen miz samcibngeih，

Gou geiq seiqcib ngoenz.

女：管你恋不恋? 我又爱又惦；

月有卅二日， 我思四十天。

(caengz sat)