Dujva hoengzrwgrwg, cietlwgnyez angqyangz. Vihliux hawj gyoengq lwgnyez vaiqvued gvaq aen cietlwgnyez ndeu, Gveilinz Si Gveilinz “Daizfoux Beksingq” youq ngoenz cietlwgnyez daeuj daengz gaxgonq, vih gyoengq lwgnyez banh le aen hozdung vaiqvued ndeu. Gyoengq lwgnyez angq comz youq gwnz “daizfoux beksingq”, doenggvaq ciengq go diuq foux daeuj gangjlwnh gij saeh sim’angq swhgeij, baijyienj bonjsaeh swhgeij. Mizmbangj lwgnyez lij youq gwnz daizfoux baijyienj gij hagsib cingzcik ndei swhgeij hawj bohmeh caeuq lauxsae yawj dem.

Dahniq heuhguh Cai Yingz ndeu bineix 11 bi, de diuq fouxdwkgienz、fouxlahdingh ak raixcaix, gyoengqvunz yawj le bouxboux cungj yaengx mehfwngz haenhndei.(Sinhvazse)