1990 nienz 7 nyied, de seng youq Hoznaz Nanzyangz aen ranz bujdungh he. Lumj doenghgij lwgnyez wnq ityiengh, de dwg baujboiq bohmeh. Hoeng youq de song bi bi haenx, baez fatndat he sawj seiqvunz de fatseng bienqvaq gig hung. Daj yihyen ok yen le, de mbouj caiq fat ndaej sing gangj ndaej vah, siengj aeu doxgaiq couh daej dwk yungh fwngz daeuj beij.

Vihliux hawj de yw bingh, 1993 nienz, daengx ranz vunz senj daengz Gvangjdungh giz dieg daxboh de dajgoeng haenx bae. Canghyw yawj le naeuz gij vah haenx hawj vunz gig doeknaiq: Aenrwz dingq mbouj nyi haenx yw mbouj ndaej lo. Couh yienghneix, de ndaej 4 bi, bohmeh hainduj son de yungh fwngz beij gangj vah、son de nyinh cih、fat yaem. Daxboh biensij faenh gyauyoz dagangh he, daxmeh ciuq faenh dagangh neix son de. Miz di cih de ciuqei mbouj ndaej, daxmeh couh yungh fwngz cuengq haeuj ndaw bak de bae baij diuzlinx de, yienghneix de hag rox yungh gyoepyaem nyinh cih lo.

Caenhguenj de song rwz cungj dingq mbouj nyi, bohmeh de cix mbouj soengq de bae hagdangz nukngoemx, dauq dwg hawj de youq hagdangz bujdungh caeuq doenghgij lwgnyez cingqciengz caez doegsaw. Aenvih dingq mbouj nyi doengzhag gangj vah, de mbouj gamj cawjdoengh caeuq bouxwnq gangj vah. Hix couh dwg daj seizhaenx hwnj, de hainduj doeg haujlai saw. Doeg bonj saw daih’it dwg 《Manva Sihyouzgi》, de baez doeg couh hwnjyinx lo. Luj Sin、 Sahswbijya、 Daigoh’wj、 Gohdwz、 Cauz Sezginz、Luzsoh、Mandwz Lozlanz、Cauz Vwnzsenh、Gyaj Bingzvah、Sij Dezswngh、Hanz Hanz……de gyaez hwnj doegsaw lo, de gyaez gij cih deihyaenyaen haenx, de roxnyinh gig saenzgeiz, dang mwh mwngz gangj mbouj ok vah, cihsaw gingqyienz ndaej lawh aenbak, bae gangj simsaeh mwngz yaek gangj haenx.

Saw yawj lai le, de hainduj hag sij di faenzcieng, dungxcaiz de sij saw ciemhciemh yienh okdaeuj. Ciemhciemh dwk, de hainduj yungh dennauj sij saw、yungh dennauj veh veh、hwnj vangj caeuq vunz gyauhliuz. Miz dennauj buenx de, de caeuq baihrog gyauhliuz hix couh engq lai lo. Baengh gij ceiqheiq de guh daengzdaej haenx, de gonqlaeng sij ok le 《Dungzyenz Vuz Gi Sanhgoz Ci》、《Dungzyenz Vuz Gi Baubaugouj》、《Dungzyenz Vuz Gi Siujvangzswj》、 《Dungzyenz Vuz Gi Cwngzgizswhhan》 daengj saw daeuj.

2005 nienz, bonj sawcuenh raez gag sij gij saeh de 《Danghnaeuz Gou Dwg Haijlunz》haenx, youz Cunghgoz Canzcizyinz Lenzhozvei nyuenz cujsiz Dwng Buzfangh sij vah haidaeuz, gyoengq lwgnyez bouxcoz doeg le fanjying gig daih. Sij Dezswngh boux cozgyah mizmingz yienghneix bingzgyaq gvaq:“De engq ndaej dingq daengz sing ndawsim giz ceiq laeg, gangj ok vah gyoengqvunz youq bingzseiz mbouj yawjnaek haenx.” De mbouj begbeg roengz- rengz, de gonqlaeng aeu ndaej daihbet gaiq Gungcinghdonz Cunghyangh “hajit gunghcwngz” ciengj、daih cibhaj gaiq Gvangjdungh vunzmoq sawmoq ciengj, lij ndaej Cunghgoz Cozgyah Hezvei sou guh veiyenz dem.

Cuhcungh sam nienzgaep lajhaggeiz, da de sawqmwh yawj mbouj cingcuj, bienqbaenz daginsi. De youq gwnz vangj caz cihsiz mizgven daginsi, raen 90% daginsi dwg aenvih “rongh uqlah” yinxhwnj, hix couh dwg naeuz, “yunghsouj” dwg daeng- yingzgvanghdwngh ngoenznaengz raeuz yungh haenx.

De gietdingh yungh cihsiz caeuq gaenxgyaek de, bae fatmingz cungj daizdaeng gengangh vanzbauj mbouj sieng da mbouj miz fuzse he. Daxboh de gig cihciz de, youq ndaw ranz bang de guh aen sizyensiz he. Yozyau hix cihciz de, vih de anbaiz boux cijdauj lauxsae he. 2006 nienz seizhah, ginggvaq mboujduenh sawqniemh, saetbaih geij cien baez, de doeklaeng fatmingz le “S.E.E gisuz caeuq aen cangceiq luzswz vanzbauj cizliuz daengyingzgvanghdwngh”, lij aeundaej guekgya conhli dem. Ndaej bingz guh “nienzdoh Cungguek ceiq miz douzswh gyaciz conhli hanghmoeg”.

2006 nienz 12 nyied, Suh Cojgangh cungjcaiz aen giyez hung Gyahnazda cienq bae cienq dauq ra daengz de, biujsi nyienh ok baenz ik gyaqcienz cawx conhli de. Suh cungjcaiz youh vih de daezhawj aen yenzgiusiz cienmonz he, hawj de caeuq giyez swnghcanj gisuzyenz doxcaez fanfoek sawqniemh. Ginggvaq geij ndwen roengzrengz guh, cungj daeng an coh guh “daengcoengmingz”、 mbouj yaepyeb mbouj miz denswz fuzse haenx guh okdaeuj lo. 2007 nienz 7 nyied 1 hauh, “veisi daengcoengmingz” youz de fatmingz haenx cingqsik haeuj ndaw hawciengz gai daeng Cungguek gai lo, de nienzgeij ngamq ndaej 17 bi haenx hix aenvih yienghneix miz 2 ik maenz gujfaen aen giyez neix, baenz Cungguek boux vunzfouq ik fanh nienzgeij ceiq iq he.

De heuh Cangh Sizniz, boux lwgnyezhung simvuen gig miz vuedlig he, boux vunz daibyauj goujcib nienzdaih seng he.

Cangh Sizniz sij gvaq bien faenzcieng he heuh《Doegsaw, Lienzsiengj Gou Caeuq Duzbid》, de naeuz: Duzbid dwg nuk, ndigah de bongq aen’aek de yungh rengz hemq. Gizsaed vunz caeuq duzbid ityiengh unqniek, hix caeuq duzbid ityiengh genhciz daengzdaej. Cijaeu mwngz mbouj fug aenmingh, aenmingh couh fug mwngz. Nuk, mbouj ndaej lanz gou dingq; ngoemx, mbouj ndaej lanz gou ciengqgo; daginsi, hix mbouj ndaej lanz gou byaij baenaj. Gou yaek lumj duzbid bongq aen’aek hemq ityiengh, haenqhwnj lijsiengj, itloh byaij baenaj!

(Mungz Yenginz hoiz)

1990年7月，她出生在河南南阳一个普通的家庭。像所有的孩子一样，她是父母手心里的宝贝。但是在她两岁那年，一场高烧让她的人生发生了巨变。出院后，她不能再发出声音，想要东西就比划着哭。

为了给她治病，1993年，全家人南迁到父亲打工的广东。医生的诊断让人很泄气：听力无法康复。就这样，4岁时，父母开始教她手语、认字、发音。爸爸编写了一个教学大纲，妈妈按照这个大纲教她。有些字符她模仿不了，妈妈就用手放在她嘴里摆舌位，这样她学会了用拼音识字。

尽管双耳失聪，她的父母并没有将她送进聋哑学校，而是让她在普通学校跟健全孩子一起读书。由于听不到同学说话，她不敢主动跟别人说话。也就是从那时起，她开始了大量的阅读。读的第一本书是《漫画西游记》，她一下子就被吸引住了。鲁迅、莎士比亚、泰戈尔、歌德、曹雪芹、卢梭、罗曼·罗兰、曹文轩、贾平凹、史铁生、韩寒……她喜欢上了读书，她喜欢那些密密麻麻的文字，她觉得很神奇，当不具备说出语言的能力的时候，文字竟然可以代替嘴巴，去倾诉你所要表达的心事。

看的书多了，她开始学着写点东西，她的写作文采逐渐显露出来。渐渐地，她开始用电脑写作、用电脑作画、上网与人交流。有了电脑陪伴，她与外界交流也更多了。凭着坚韧不拔的毅力，她先后写出了《童言无忌三国志》、《童言无忌泡泡狗》、《童言无忌小王子》、《童言无忌成吉思汗》等书籍。

2005年，她的长篇自传体小说《假如我是海伦》由中国残疾人联合会原主席邓朴方作序，一经上市就在青少年读者中引起强烈反响。著名作家史铁生曾这样评价：“她更能够听见内心深处的声音，说出被喧嚣的白昼所忽视的话语。”她的努力没有白费，她先后获得第八届共青团中央“五个一工程”奖、第十五届广东省新人新作奖，还被中国作家协会吸收为会员。

初三下学期，她的视力突然急剧下降，变成了近视眼。她在网上查找有关近视的知识，发现90%的近视是由于“光污染”导致的，也就是说，“凶手”是我们日常使用的荧光灯。

她决定利用自己的知识和勤奋，去发明一种既不伤害眼睛又无辐射的健康环保台灯。父亲非常支持女儿的想法，在家里给她布置了一个实验室。学校也很支持她，为她安排了一名指导老师。2006年夏，经过不断试验，数千次的失败，她终于发明了“S.E.E技术及其绿色环保直流荧光灯装置”，并且获取了国家专利，被评为“年度中国最具投资价值专利项目”。

2006年12月，加拿大一个企业的总裁苏佐刚先生辗转找到她，表示愿意以上亿元的价格独家买断她的专利。苏总裁又为她提供了一个专门的研究室，让她与企业生产技术人员一起反复试验。经过几个月的努力，一种取名为“聪明灯”、无频闪无电磁辐射的灯具终于问世了。2007年7月1日，由她发明的“惠视聪明灯”正式进入中国灯具市场销售，而年仅17岁的她也因此拥有该企业价值2亿元的股份，成了中国年纪最小的亿万富豪。

她叫张悉妮，一位阳光少年，一位90后的代表人物。

张悉妮写过一篇文章《读书，我与蝉的联想》，她说：蝉是聋的，所以它会鼓起胸部使劲地唱。其实人类同蝉一样脆弱，也同蝉一样执著。只要你不向命运屈服，命运就会向你屈服。聋，不能阻止我聆听；哑，不能阻止我歌唱；近视，也不能阻止我前进。我要像蝉鼓起胸膛呜叫一样，鼓起理想，一路向前！