□ Hoz Saubangj sij Cinz Siengzcouh Liuz Gingliuj Cinz Siengzgen hoiz

Veiz Gozcingh nyinhnaeuz, gij naemjfap yenveij fazcanj hongsaeh ndoengfaex haenx, dwg daj gij saehsaed Yungzyen okdin. De muengh Yungzyen gaej yingjyangj ndaem haeux, doengzseiz hawj hongsaeh ndoengfaex ndaej cienzmienh fazcanj hwnjdaeuj. Aenvih Yungzyen youq ndoindoq cauhndoeng、gaijcauh gij ndoengfaex oknoix okyaez haenx caeuq ndaem faexyunghcaiz、faex- ginghci、faexguhdanq ndaej daengz gij cingzcik ndei. Bi 1964 daengx gih youq gizneix hai gvaq baez hoih yienhciengz cauh ndoeng baenzloeg ndeu.

Ginggvaq ndaem faex le, Veiz Gozcingh naeuz:“Bae ngonzngonz gij gofoeg sou vei!”

Gij dungzci yenveij gej naeuz, bae aen dieg yawj gofoed haenx yaek aeu gvaq aen giuzfaex ndeu, naengh ci bae ne lau ok saeh, youh deng fwn doek mbouj ndei byaij loh, seizneix gofoed cij ngamqngamq baenz gyaj, dwg mbouj dwg mbouj bae yawj lo?

Veiz Gozcingh naeuz: “Aeu yawj, baezneix gou dwg cienmonz daeuj yawj gofoed, giuz mbouj ndaej gvaq ci, raeuz cix gang liengj byaij aeu vei.”

Gwnz roen, Dingh Saulanz naeuz Veiz Gozcingh nyi:“Gozcingh dungz- ci, mwngz bihbingz 《Gvangjsih Yizbau》mbouj daengbauq, dwg ienuengj gyoengqde lo, cwzyin youq yienh dou. 《Gvangjsih Yizbau》caeux siengj guh baudau, dwg gou mbouj doengzeiq. Gou naeuz gicej nyi: Yungzyen sawq ndaem gofoed, 7 bi neix mbouj hwnjbauq. Aenvih gou lau gingniemh mbouj sug, lwnh okbae le, guh mbouj ndei nei yaek haih vunz nw.”

“Bihbingz baez ndeu miz ndeicawq, seizneix mbouj dwg hwnj- bauq luma? Mboujdanh seizneix aeu senhconz, gvaqlaeng vanzlij aeu laebdaeb senhconz. Gou bihbingz loek le, gvaqlaeng caeuq gyoengqde gej cingcuj cix ndei lo.”

Gvangjsih Yizbau deng bihbingz ngoenzde, gyoengqde baij le gicej bae ra deng boux Dingh Saulanz daeuj hai hoih sam gaep ganbu haenx doxyaeng gij saeh hwnjbauq haenx, caemhcaiq gipseiz bae daengz Yungzyen diucaz caijfangj, haemq vaiq cix fatbiuj le song bien baudau.

(caengz sat)