Seizhah mbwn ndat cumx lai, vunz yungzheih baenz aek mwnh、rengz naiq、gyaeuj ngunh、mbouj siengj gwn doxgaiq、ndang byom. Gwn di byaek feih haemz ndeu daih miz ndeicawq. Cunghyihyoz nyinhnaeuz, seizhah vunzraeuz aenvih mbwn ndat cumx lai, gawq sieng heiq mak youh gauxca beizheiq. Feih haemz ndaej doenggvaq bouj heiq ciengx mak、cangq mamx siu cumx, hawj goengnaengz aenndang bouxvunz dox- daengh. Yienhdaih gohyoz yenzgiu hix cwngmingz naeuz, feih haemz ndaw byaekheu ndaej siu hwngq、doiq ndat、cawz fanz、daez saenz caeuq cangq dungx. Gij byaek hamz feih haemz miz lwghaemz、byaekmiek、ohswnj、byaek- ginzcai、golinzgaeq、cehmbu、beghab daengj, seizhah ndaej lai gwn di.