德保县都安乡中心小学 三年级 许琴

Singhgiz it， gou bae gvanhcaz duzmoed, gou dawz dangz、naedhaeux、bingj cuengq youq bakcongh duzmoed. Miz duzmoed ndeu byaij ok ndaw congh daeuj， yaep he, youh byaij haeujbae lo, mbouj gvaq geijlai nanz，miz gyoengq moed ndeu okdaeuj lo.Gyoengqde faen baenz sam bang, bang he dawz dangz， bang he dawz naed haeux, lijmiz bang he dawz bingj. Gou sijsaeq gvanhcaz gyoengqde dwg baenzlawz buen doxgaiq. O！yienzlaiz duzmoed buen doxgaiq hix aeu faen naek mbaeu, buen gij doxgaiq naek aeu dauj gvaqdaeuj byaij, yungh rengz cengq baenaj， buen gij doxgaiq mbaeu seiz， couh yiengq baihnaj byaij. Lijmiz buen gij doxgaiq hwnj dieg sang seiz， gyoengqde cungj ra diegbingz he byaij gvaqbae.

Mwngz yawj， duzmoed dwg mhouj dwg gig coengmingz?