隆重欢乐的阿昌族阿露窝罗节

□Ganh Yenzcungh ingj Sinhyungz hoiz

Moix bi liggaeuq ndwenngeih coseiq, Yinznanz Swngj Dwzhungz Couh gyoengq beixnuengx Ah- canghcuz cungj gvaq aen ngoenzciet conzdungj hoenghhwd youh angq- yangz ndeu, heuhguh Ciet Ahlu Vohloz. Ngoenzciet, gyoengq beix- nuengx Ahcanghcuz saimbwk laux- nyaeq cungj cangndang moqsup lwenqda, benz ndoi gvaq dah, comz daengz diegdangz diuqfoux, siuyieng caeqbaiq goengcoj, doengzcaez diuq fouxvohloz, angqangq yangzyangz gvaq ciet.

Ciuq cam rox, Ciet Ahlu Vohloz dwg youz song aen ciet doxgyoeb baenz, couhdwg Cietahlu caeuq Cietvohloz, Cietahlu dwg ciet- ngoenzhaw, dwg ngoenzciet hoengh- hwd angqciep bouxsien Buzsaz roengzdaeuj gwnzbiengz; Cietvohloz dwg geiqniemh goengcoj caux biengz caux fuk hawj vunzloih haenx.

Ngoenzciet yaek daengz seiz, doengh dieg Ahcanghcuz gak aen mbanj cungj aeu faex dapgaq aen daizfangh Ahlu Vohloz vangraeh seiq mij gvangq ndeu, cungqgyang daengj song gep baizfangh, baihgwnz veh miz gij doz daengngoenz、rongh- ndwen、ndaundeiq, baihlaj veh song aen siengq sai mbwk Ahcanghcuz, siengcwngh goengcoj buzcoj. Gwnz dingj baizfangh lij aeu faex deuz baenz aen gungnaq hungloet rag dwk remrwd ndeu, siengcwngh aen gungnaq saenzgeiz goengcoj aeu daeuj nyingz daengngoenz gyaj roengzdaeuj haenx. Aen yizsi hoenghhwd caeqbaiq goengcoj dwg youz boux gingsae heuhguh “hozbauz” miz mingzdaeuz haenx cujciz, de ciengq ngon bouh seiraez gojgaeqfangz lwnh saeh lizsij 《Cehbamaz Caeuq Cehmijmaz》bonj minzcuz, haenhdanq gij goenglauz hungmbwk goengcoj buzcoj. Ciep- dwk, gyoengqvunz riengzlaeng “hozbauz”, hopheux aen daizfangh Ahlu Vohloz caez ciengq diuz go Vohloz、 caez diuq Fouxvohloz ciuhnduj cienz roengzdaeuj haenx, daihgya doq ciengq doq diuq, ngoenzhwnz caemh angq. Cawz ciengq go diuq foux le, ngoenzciet geizgan lij guh “Caxhusah”、 dwkgienz、doiq fwen、buengqyed、daengcin daengj lai cungj lai yiengh vwnzva yizloz hozdung, lij ndaej cimz gwn laeujhaeux、faenjcaeu gvaq fwngz、nohmou feiz remj、gyaeqmoed daengj gijgwn haekfeih gig miz minzcuz daegsaek haenx dem, ngoenzciet dauqcawq raen cungj yiengh mizsim mizcingz、angqyangz、huzndei haenx.