5 nyied 19 hauh, 2013“Ngoenz Lijyouz Cungguek” Namzningz cawjhoihciengz caeuq Sanglinz Cietciengxndang swnghdai lijyouz youq Sanglinz Yen hoengh hai.

2012 nienz 11 nyied, Sanglinz Yen aeundaej aen cwnghauh“Mbanjranz Souhgyaeu” neix. Baez cietciengxndang lijyouz neix aeu “Swnghdai Sanglinz、Deih Fuk Souhgyaeu”daeuj guh cawjdaez, dawz cietciengxndang caeuq “Mbanjranz Cungguek Souhgyaeu”giethab hwnjdaeuj, engqgya haeujlaeg dwk bae fungfouq minzcuz lijyouz neihanz, daezsang lijyouz binjciz aen yienh neix lo. Vih daejyienh aen lijnen Sanglinz “swnghdai laeb yienh、saekloeg fazcanj” neix, baez ciet lijyouz neix doenggvaq byaij roen benz bya、gwih danci yathamj doxdax、ciengxndang souh- gyaeu ciendaez gyangjco daengj hozdung, cangdauj vunzraeuz vih saekloeg、gengangh caeuq vanzbauj bae ndeindei swnghhoz, baij aen hingzsiengq moq Sanglinz okdaeuj. Ndaw doz dwg gyoengq hagseng iq hawj gij bouxlaux gyaeu ndaej geq haenx hoh souhgyaeu.

(bonjbauq gicej Veiz Yennaz)