Gaenh geij bi daeuj, Denzlinz Yen mboujduenh gyadaih cienzswnj caeuq fazcanj Heiqcuengh baihbaek mbanjranz, gyahung aen duivuj yezyiz Heiqcuengh lajmbanj, cizgiz vatgud gyoengq nyeziq daeuj ciepswnj yienj Heiqcuengh baihbaek. Bineix, aen yienh neix miz song aen cunghsinhyau faenbied hai miz aen ban Heiqcuengh nyeziq baihbaek ndeu, bingqcingj ndaw yienh Duenheiqcuengh、vwnzva’gvanj caeuq boux ak yienj Heiqcuengh ndawbiengz daeuj sonyinx gij hagseng neix hag yienj Heiqcuengh, daj ndawde vatgud ra aeu nyeziq daeuj ciepswnj yienj Heiqcuengh.

(Yenj Cinbyauh Vangz Gveiyangh)