□ 关仕京 搜集翻译

（接上期）

Haj、Doxhaenh

相 赞

Sai: Raen nuengx youq dangqnaj，

Lumj dujva didmbumj；

Bak gangj cix riunyumj，

Sawq vad fwngz baez heuh.

男：见妹在前方， 像朵花初放；

说话笑眯眯， 就挥手叫喊。

Mbwk: Yawj dangqnaj mbouj baenz，

Yawj raeblaeng mbouj dij；

Noh caiq ndaem baenz mij，

Cungj mbouj dij hauzcienz.

女：看前面不成， 瞧背后样笨；

肤黑像锅底， 钱不值文分。

Sai: Yawj dangqnaj hix baenz，

Yawj raeblaeng hix gyaeu；

Saeknoh hoengz valouz，

Yied gaeuj yied baenzsau.

男：瞅前面秀雅， 观后面潇洒；

肤色石榴红， 越看越爱她。

Mbwk: Beix ndwn youq dangqnaj，

Gyaeu dangq max cang an；

Seiq yawj seiq singjsangj，

Sim hailangh vih mwngz.

女：哥在面前站， 俊似马配鞍；

越看越英武， 心为你开朗。

Sai: Yawj nuengx ndei ha ndei，

Lumj valeiz didmbumj；

Caengz gangj bak riunyumj，

Lumj duzfungh gamz va.

男：阿妹靓呀靓， 像梨花开放；

未语笑眯眯， 像凤叼花样。

Mbwk: Faenhbeix engqgya gyaeu，

Lumj valouz hai moq；

Mbouj gangj vunz cungj rox，

Naeuz saeknoh mwngz ndei.

女：阿哥更帅呆， 像榴花初开；

不说人也懂， 你肤色可爱。

Sai: Faenhnuengx caen hailangh，

Bak caengz gangj cix riu；

Yawj aennaj cix diuz，

Siujliuh caiq baenzyiengh.

男：金妹真开朗， 未说先微笑；

看是瓜子脸， 秀丽又苗条。

Mbwk: Dieg mbanj beix caen ndei，

Miz goreiz dangqnaj；

Song go raq raeblaeng，

Roeg ma daengz cix douh.

女：哥故乡殷富， 村前有榕树；

村后楠树绿， 鸟常来憩住。

Sai: Bakdou miz suen gam，

Bakmbanj miz gocueng；

Mbanj nuengx dieg daihvuengz，

Seiqfueng vunz cungj haenh.

男：门前柑园茂， 村口樟树高；

妹村大王地， 四方都赞好。

Mbwk: Mbanj beix ok hakyienh，

Doiqmienh cap geizhoengz；

Daengngoenz hwnj baih-

doeng，

Ingj raen hoengz caiq moq.

女：哥村出县官， 红旗插村前；

太阳东方升， 映照红艳艳。

Sai: Mbanj nuengx dieg funghvuengz，

Riuz seiq fueng bet baih；

Daengngoenz rongh baih haij，

Yawj guengcaij dangqmaz.

男：妹村出凤凰， 传四面八方；

似日照海面， 放灿烂光芒。

Mbwk: Dieg mbanj beix caen ndei，

Ok guenceij coengmingz；

Youh dangsaeh Baekging，

Vunz riuzmingz bae gvangq.

女：哥村地脉灵， 人当官聪明；

又北京某事， 到处都闻名。

Sai: Nuengx bonjsaeh saed daih，

Roengz haij gwed ndaej lungz；

Nuengx gaem bit laeng fwngz，

Veh duzfungh rox mbin.

男：妹本事无穷， 下海可擒龙；

妹手拿起笔， 画凤飞上空。

Mbwk: Beix dangq bouxvehvah，

Veh duzmax rox mbin；

Bae baijyiengh Baekging，

Bouxboux sim cungj maij.

女：哥胜个画家， 画会飞骏马；

到北京亮相， 人人都爱他。

Sai: Noh hoengzdauz hoengzmeiq，

Nuengx ndangdaej hix gyaeu；

Gang liengj ok bakdou，

Byaij din fouzmbiengjmbiengj.

男：肤粉红细腻， 模样也俏丽；

撑伞出门口， 妹神采飘逸。

Mbwk: Vaqcang cix mbouj baenz，

Daiq naengh hwet cungj

ngaeu；

Beix mwngz yienghneix

naeuz，

Youh hawj gou najnyaenq.

女：装扮也不美， 坐下也驼背；

哥你这样说， 我倍感羞愧。

Sai: Nuengx baenzsau baenzsau，

Lumj vadauz ndwen ngeih；

Ij siengj cam gapdoih，

Lau fukheiq mbouj daengz.

男：妹漂亮娇好， 桃花般妖娆；

想与你结伴， 怕福气没到。

Mbwk: Nuengx di aen maklouz，

Youq gyangmbwn cik ndit；

Gwn bak haemzhidhid，

Lau mwngz vit ni doengz.

女：妹似青石榴， 树上被日照；

吃它口苦涩， 怕你就扔掉。

(caengz sat)