Yanghgangj bouxvunzfouq ikfanh Yiz Bungz- nenz youq 2003 nienz haidoengh “Bungznenz Gvanghmingz Hengzdoengh”, giva yungh sam daengz haj bi seizgan, gien haj ik maenz Yinzminzbi, vih Cungguek dieg gungzhoj boux da baenz damueg haenx saedhengz mienxcienz guh damueg soujsuz, hawj boux da baenz damueg haenx dauq yawj ndaej raen.

Yiz Bungznenz sienseng seng youq Huznanz, 26 bi bi haenx bae Yanghgangj dajgoeng, youq aen gunghswh he guh hongcab. Baez daengz ngoenz singhgizroek caeuq ngoenzsinghgiz, doenghboux guh hongcab haenx cungj bae youz gai、guhcaemz, hoeng Yiz Bungznenz naemj daengz singhgizroek caeuq ngoenzsinghgiz hix gingciengz miz vunz gyaban, yienghneix de ciuqyiengh genhciz bae gunghswh baet dieg uet dieg uet daiz daengj guh doenghgij hong veiswngh neix, hawj gyoengqvunz gyaban haenx miz giz dieg seuq、cwxcaih ndeu. Gvaq buenq bi, gij saeh de guh haenx deng boux lauxbanj aen gunghswh neix rox le, sikhaek diuh de daengz bangunghsiz ndaw gunghswh bae guhhong, doeklaeng mboujduenh daezswng, guh daengz gunghswh cungjginghlij. Gvaq geij bi le, Yiz Bungznenz caeuq gunghswh lauxbanj daezok swhgeij yaek hai gunghswh guh seng’eiq, lauxbanj mboujdanh doengzeiq de, lij haeujguj aen gunghswh de dem. Aen gunghswh Yiz Bungznenz mboujduenh bienq hung, gig vaiq de couh baenz boux vunzfouq ikfanh lo.

Gihvei dwg gijmaz? Aengoj seiqvunz Yiz Bungznienz gaenq bang raeuz ra daengz dapanq: Gihvei dwg beij bouxwnq lai ok faenh rengz he, beij bouxwnq guh ndaej engq gaenx, beij bouxwnq guh ndaej engq ndei, beij gouxwnq guh ndaej engq oksaek.

Beij Bouxwnq “Lai” Guh Di Genhciz He

Miz boux vunz Cungguek he heuh Vuz Yingh, de ndaej Meijgoz sanghyez cazci 《Yacouh Cih Singh》gig mizmingz haenx bingz hwnj Yacouh 50 boux vunz ceiq miz yingjyangj ndawde boux he, gujbiu gunghswh de ciuq sicangz hangzcingz dangseiz daeuj suenq dabdaengz 70 ik Meijyenz.

Bihaenx, Meijgoz miz boux gyausou gig mizmingz he ciu cu’gyau, Vuz Yingh caeuq 30 boux louzhagseng gak guek bauqmingz camgya gaujsi. Couh youq gaujsi geij ngoenz gonq, geij boux louzhagseng Cungguek dajdingq daengz, boux gyausou neix youq gwnz cancangz Cauzsenh guh gvaq fuhluj vunz Cungguek. “Aeu seizgan sai youq gij saeh guh mbouj daengz haenx, caiq mbouj miz maz guh ndaej beij neix huk lo!” Gyoengq louzhagseng Cungguek foenfoen doiq ok baez gaujsi neix, gyoengqde lij doengzseiz gienq Vuz Yingh gaej sai seizgan sai rengz lo. Hoeng Vuz Yingh doeklaeng lij genhciz camgya gaujsi, gaujsi doeklaeng hawj vunz liuh mbouj daengz, Vuz Yingh gauj ndaej hwnj lo! Boux gyausou neix doiq Vuz Yingh naeuz le gij vah yienghneix: Gizsaed mwngz youq ndaw gyoengq boux bauqmingz gaujsi neix mbouj dwg boux ceiq ndei, hoeng mwngz mbouj lumj gij doengzhag mwngz, gyoengqde yawj daeuj lumjbaenz gig coengmingz nei, gizsaed dwg huk mbouj miz vunz beij lo. Sou dwg vih gou guhhong, cijaeu dang ndei cusouj couh ndaej lo, lij nangq daengz gij saeh geij cib bi gaxgonq guh gijmaz? Gou gig maij mwngz miz cungj mbei mingz rox dwgrengz lij bae guh neix, neix couh dwg gij laizyouz gou vihmaz aeu mwngz lo.

Mizmbangj vunz biujmienh yawj gig coeng- mingz, gig rox suenq bonjcienz guh ndaej baenz mbouj baenz, hoeng youq gwnz biengz neix soqlaiz mbouj miz “mbouj ok rengz”、 “mbouj gwnvei” couh guh ndaej baenz, ndigah, gyoengqde ciengzciengz dwg aenvih coengmingz gvaqbouh, daiq rox suenq, daiq mbouj nyienh ok rengz, daiq mbouj haengj gwnvei, cungj dwg caeuq cwngzgungh mbouj miz yienzfaenh.

Youq cingzgvang mbouj leih baihlaj, lij mbouj cuengq mbouj vut gij muzbyauh ndawsim, youq gij saehcingz bouxwnq yawj daeuj lumjbaenz guh mbouj baenz haenx, lij mbouj cuengq mbouj vut bae haenqrengz guh, neix couh dwg gij laizyouz youq baez gaujsi neix Vuz Yingh vihmaz gauj ndaej hwnj haenx, hix dwg aen banhfap dijbauj de gvaqlaeng guh ndaej baenz haenx.

Beij Bouxwnq “Lai” Di Najriu He

Yenz Yizbingz dwg boux baujyenj duihsiuhyenz youq gwnz lizsij Yizbwnj ciem roengz gij dan baujyenj ceiq lai haenx. Hoeng Yenz Yizbingz vunz ngamq 1.53 mij sang, danaj mbouj ndeiyawj, de vih- maz aeu ndaej gij cingzcik baenz ndei ne?

Yenz Yizbingz dang baujyenj duihsiuhyenz hainduj buenq bi, de mbouj vih gunghswh ciem ndaej saek faenh baujyenj. De mbouj miz cienz naengh ci, mbouj miz cienz gwn haeux, mbouj miz cienz co ranz youq, moix ngoenz banhaet daj aen daengqraez ndaw gunghyenz “hwnq congz”, de couh doiq gij vunz de bungq daengz haenx riunyumnyum. Doeklaeng miz ngoenz he, boux lauxbanj hung gingciengz bae gunghyenz he doiq Yenz Yizbingz naj riunyumj haenx miz yinx lo, de mbouj mingzbeg bouxvunz gwn mbouj imq vihmaz cungj dwg baenzneix angq, yienghneix couh caeuq de gangjgoj, doeklaeng deng gij riunyumj Yenz Yizbingz gamjdoengh, angq dwk dapwngq cawx faenh baujyenj he, neix dwg Yenz Yizbingz guh faenh yezvu daih’it. Doeklaeng, boux lauxbanj hung neix youh gaisau Yenz Yizbingz hawj gij baengzyoux guh seng’eiq haenx, naj riunyumj Yenz Yizbingz gamjdoengh yied daeuj yied lai vunz, gij yezvu de yied guh yied hung, doeklaeng youq Yizbwnj baenz boux ciem baujyenj yezvu ceiq lai haenx.

Laxlawz, Yenz Yizbingz dwg yungh gaiq- yaekseiz riunyumj, hai ok aendouhung cwngzgungh. Gij banhfap sawj de guh ndaej baenz, couh dwg mboujguenj youq seiz lawz dieg lawz, cungj baujciz naj riunyumj.

Danghnaeuz mwngz saet bae najriu, mwngz couh saet bae fagyaekseiz hai aendouhung cwngzgungh. Riunyumj, riunyumj, daj goek daengz rieng baujciz naj riunyumj, gijneix couh dwg gij cwngzgungh Yenz Yizbingz lwnh raeuz rox haenx.

(Mungz Yenginz hoiz)

比别人“多”出一份力气

香港亿万富翁余彭年于2003年启动了“彭年光明行动”，计划用3至5年的时间，捐赠5亿元人民币，为中国贫困地区的白内障患者免费实施白内障复明手术。

余彭年先生出生在湖南，26岁时来到香港打工，在一家公司做了一名勤杂工。一到星期六和星期天，别的勤杂工都跑出去逛街、游玩，而余彭年考虑到周六、周日也时常有人加班，于是照常坚持打扫卫生，给加班的工作人员一个干净、舒适的环境。半年后，他的这一举动被公司老板了解到，立即把他调至公司办公室工作，后来又不断提升，做了公司的总经理。几年后，余彭年向公司老板提出要自己开公司做生意，老板不仅答应了他，而且还参股了他的公司。余彭年的公司不断发展壮大，很快他就成了一名亿万富翁。

机会是什么？余彭年先生的人生故事已经给我们找到了答案：机会就是比别人多出一份力，比别人做得更勤，比别人做得更好，比别人做得更出色。

比别人“多”做一刻坚持

有一位名叫吴鹰的中国人，他被美国著名的商业杂志《亚洲之星》评选为最有影响力的50位亚洲人之一，他公司的股票市值达70亿美元。

那年，美国的一位著名教授招聘助教，吴鹰和30多名各国留学生报名参加了应聘。就在考试的前几天，几位中国留学生打探到，这位教授曾在朝鲜战场上做过中国人的俘虏。“把时间花在不可能的事情上，再愚蠢不过了！”中国的留学生们纷纷退出这场应聘，他们还同时劝说吴鹰不要白费时间和精力了。可吴鹰最后仍坚持参加了考试，可考试结果出人意料，吴鹰竟被录取了！那位教授对吴鹰说了这样一段话：其实你在所有的应试者中并不是最好的，但你不像你的那些同学，他们看起来好像很聪明，其实是再愚蠢不过了。你们是为我而工作，只要当好助手就行了，还扯几十年前的事干什么？我很欣赏你知难而进的勇气，这就是我录取你的原因。

有些人表面看上去很聪明，很会算计成功的成本，但世上从来没有“不付出”、“不吃亏”的成功，所以，他们往往因为过于聪明，过于算计，过于不愿付出，过于不肯吃亏，总是与成功无缘。

在不利的情况下，仍不放弃心中的目标，在别人看来似乎不可能的事情上，仍不放弃做出积极的努力，这就是吴鹰在这次应聘中取胜的原因，也是他今后人生成功的一个法宝。

比别人“多”露一丝笑容

原一平是日本历史上签下保单最多的保险推销员。而原一平身高仅1.53米，其貌不扬，为什么他能取得如此骄人的成绩呢？

原一平当保险推销员的头半年里，他没有为公司拉来一份保单。他没钱坐车，没钱吃饭，没钱租房，每天清晨从公园的长椅上“起床”，他就向每一个他所碰到的人微笑。终于有一天，一个常去公园的大老板对原一平的微笑发生了兴趣，他不明白一个吃不饱饭的人为什么总是那么快乐，于是便和他交谈起来，最终被原一平的微笑所感动，愉快地答应买下一份保单，这是原一平做下的第一笔业务。后来，这位大老板又把原一平介绍给许多商场上的朋友，原一平的微笑感染了越来越多的人，他的业务越做越大，终于在日本创下了保险业务的最高纪录。

原来，原一平是用微笑的钥匙，开启了成功的大门。他的成功秘诀，就是不管在任何环境下，都保持微笑。  

如果你失去了微笑，你失去的，是一把开启成功大门的钥匙。微笑，微笑，始终保持微笑，这就是原一平的成功带给我们最大的启示。