●Bineix, Hocouh Si Bingzgvei Gvanjlijgih roengz 2500 fanh maenz baedauq, guh 6 diuz seiq gaep goengloh, gij roen neix gvaq 8 aen mbanj saujsu minzcuz, guj bineix guhsat. Gij hanghmoeg neix guhbaenz le couh hawj mbanj gungzhoj 17000 lai boux ginzcung saujsu minzcuz souh’ik.

(Cau Fanghnen Vuz Lifangh)

●Daj bineix daeuj, Dasinh Yen Baujhih Yangh cazdiemj、soucomz、cingjleix、henhoh ndaw yangh gak aen cunh、mbanj gij doenghyiengh nem hongdawz conz- dungj. Daengz dangqnaj, aen yangh neix gungh soucomz ndaej 30 lai cungj hongdawz, dwnghgi 168 gienh.

(Banh Hungz)

●Bi’gvaq, Nazboh Yen sinh- nungzhoz cwngcwz hawj 26.1538 fanh vunzbaez souh’ik, gungh bouj cienzngaenz 561.69 fanh maenz. Aen yienh neix gij sinhnungzhoz cidu mizyauq dwk gaijgez le nungzminz saujsu minzcuz yawj- bingh hoj vwndiz, bauj ginzcung saujsu minzcuz youq ndaej sim’onj.

(Lingz Yihungz)

●Youq ciet“vujyiz”geizgan, Sanhgyangh Dungcuz Swciyen gungh ciepdaih hekyouz ndaw guek rog guek 7.5 fanh vunzbaez, ndawde hekyouz rog guek 3200 vunzbaez, doengzbeij faenbied demhwnj 15% nem 5.5%; saedyienh lijyouz souhaeuj 3400 fanh maenz, demhwnj 26.5%.

(Gungh Bujgangh)

●Bi’gvaq, Bingzgoj Yen Swdangz Cin Fuzluz Cunh moix hoh ndaemcaz bingzyaenz souhaeuj fanh maenz doxhwnj, ceiq sang mi 2 fanh maenz, moix boux bingzyaenz souhaeuj 4227 maenz, gyawj gij suijbingz bingzyaenz daengx cin nungzminz. Dangqnaj, aen cunh neix caeuq cunh doxgyawj 190 hoh fazcanj suencaz daengz 2100 moux. Mbawcaz canjyez gaenq baenz hangh canjyez hawj saujsu minzcuz dangdieg demlai souhaeuj he.

(Vuz Aanhginh)