Bonjbauq siusik(gicej Mungz Feih) 2010 nienz, Guekgya Minzveij fatbouh le《Aen Yigen Gvendaengz Guh Ndei Hong Guenjleix Vah Saw Saujsu Minzcuz》nem《Aen Cijdauj Yigen Gvendaengz Caenh’itbouh Guh Ndei Hong Fanhoiz Vah Saw Minzcuz》, gveihva nem cijdauj le hong minzcuz yijvwnz guek raeuz. 5 nyied 8 hauh daengz 9 hauh, Guekgya Minzveij youq Nanzningz ciuhai minzcuz yijvwnz gunghcoz codanzvei, cienzmienh cungjgez le song aen“yigen”gvancez lozsiz cingzgvang, yenzgiu anbaiz duenh laeng baenzlawz guh hong minzcuz yijvwnz.

Ndaej Guekgya Minzveij fucuj- yin Cinz Gaijhu daengq le, Guekgya Minzveij Gyauyuz Gohgi Swh swh- cangj Denz Lenzgangh cienzmienh cungjgez le gij cwngzyau song bi lai daeuj daengx guek gak dieg saedhengz song aen“yigen”aeundaej haenx, haeujlaeg faencek gij hingzsi nem yinvu dangqnaj guh hong minzcuz yijvwnz, caemhcaiq anbaiz le seizgeiz moq baenzlawz guh hong minzcuz yijvwnz, daezok le iugouz.

Youq gwnz hoih, doenghboux daibyauj daj Cunghgoz Minzcuz Fanhyizgiz nem Neimungzguj、Giz- linz、Gvangjsih、Gveicouh、Yinznanz、Sihcang、Cinghhaij、Sinhgyangh daeuj haenx doxgyau gangjvah, daihgya cungj naeuz, minzcuz yijvwnz gag miz gveihliz, wnggai daezsang lijlun yinsiz, dingh’ok nem caezcienz mizgven faplwd fazgveih. Genyi laeb ciengjli byaujcangh gihci、gyagiengz bumwnz doxdoeng hezdiuz、damqra roen vunzcaiz minzcuz yijvwnz majmbwk nem ciuyez、 caenh’itbouh doihaeuj minzcuz yijvwnz gveihfanva、byauhcunjva nem sinsizva.

Gyauyuzbu Yijyenz Vwnzsw Sinsiz Gvanjlij Swh swhcangj Cangh Haumingz youq gwnz hoih gangjvah.

Codanzvei liuxle, gyoengq dai- byauj daengz yienhciengz gaujcaz le Vujmingz Yen Gingloz Siujyoz、Vujmingz Yen Gvangjbo Densidaiz nem Gvangjsih Minzcuz Bozvuzgvanj.

5 nyied 8 hauh banhaet youq gwnz gaihmusi, ndaej Swcigih Yinz- minz Cwngfuj fucujsiz Lanz Denhliz daengq le, Swcigih Yinzminz Cwngfuj fumisuhcangj Vangz Vujhaij guh le gangjvah. Swcigih Minzyijveij fucuj- yin Yangz Gijbyauh daibyauj Swcigih Minzveij nem Minzyijveij cujyin Luz Yenbenj(okcai youq rog) gangjvah. Gyauhliuzvei youz Swcigih Minzyij- veij fucujyin Vangz Cenzcungh cujciz.

Daengx guek mizgven swngj(gih) minzveij、minzyijveij doenghboux faen guenj hong minzcuz yijvwnz, mizgven buveij nem danhvei doenghboux fucwz hong minzcuz yijvwnz, doenghboux mizgven, gungh 120 lai boux camgya baez hoih neix.