□ 关仕京 搜集翻译

（接上期）

Sai: Rox yienghneix cix dwg，

Miz fuk mbouj lau laeng；

Song raeuz ndaej doxgaen，

Gwn raemxdaemz cungj feih.

男：这样想好办， 有福不怕晚；

咱俩能相随， 喝塘水也甘。

Mbwk: Goq cix goq daengz rieng，

Cunz cix cunz daengz gyaeuj；

Ndaej caeuq beix doxaeu，

Dai simdaeuz cij cih.

女：顾就顾到头， 巡就巡到尾；

能与哥结婚， 至死不后悔。

Sai: Samcib bi cungj caj，

Hajcib bi cungj deq；

Song boux baenz bohmeh，

Cungj mbouj ce bouxlawz.

男：三十年都守， 五十年也候；

两人当父母， 一生不分手。

Mbwk: Ngoenz siengj dwk haeuj

ngaeux，

Hawj gou yaek fatvangh；

Mbouj ndaej raen doengzban，

Lumj vit ndang dai mingh.

女：每天梦相逢， 使我快发疯；

不能见同伴， 如失去人生。

Sai: Raeuz gaenq ndaej doxgyau，

Mumh hau cungj mbouj duenh；

Gip ndok roengz gangsuengj，

Cungj mbouj duenh aencingz.

男：咱已能相连， 白发仍相牵；

骸骨放金坛， 仍浓情眷恋。

Mbwk: Guhdoih bae dwk dah，

Nuengx geiq naj byahaux；

Gyau cix gyau daengz laux，

Byoem hau cungj mbouj vit.

女：作伴去打鱼， 鱼样妹牢记；

交情到耄耋， 白发也不弃。

Sai: Song raeuz miz cingzeiq，

Ciengeiz gaej hawj duenh；

Dieg doemq mbwn bibuengq，

Cungj mbouj duenh diuz cingz.

男：咱俩有情意， 千万别分离；

地陷天摇晃， 都不断情谊。

Mbwk: Mbouj maij ndaem godumh,

Vet gumz ndaem gociq；

Daengz diemj daenglingzgvih，

Cungj mbouj sij vit mwngz.

女：不爱种草莓， 挖坑种荆棘；

到点灵车灯， 舍不得离你。

Sai: Ndaej caeuq nuengx caemh gwn， Ndaej miz mwngz caemh youq；

Song boux ninz caemh gyaeuj，

Vasiglouz giet aen.

男：能与妹共餐， 能有你同乐；

两人共枕头， 石榴花结个。

Mbwk: Yaek deq daengz ngoenz maz，

Caez gwih max haeuj singz；

Daengz geijseiz baengzcingz，

Ndaej caemh ninz caeuq youq.

女：等到哪时辰， 同骑马进城；

等你到何时， 可同住共枕。

Sai: Yawj nuengx dangq caetsing，

Gaeuj gij ingj de gyaeu；

Ndaej caeuq nuengx doxaeu，

Ing bakdou baij yiengh.

男：看妹像七星， 漂亮又精灵；

能和妹相聚， 倚门亮倩影。

Mbwk: Aeu doengz ma guh gim，

Lau sim beix mbouj aiq；

Muengh ndaej gaen mwngz

byaij，

Youz Sanghaij Baekging.

女：把铜当作金， 怕哥无爱心；

盼与哥同走， 游上海北京。

Sai: Cauh naz bienqbaenz reih，

Feiq goengrengz haujlai；

Lau nuengx sim mbouj aiq，

Mbouj maij yawj beix baez.

男：造田变成地， 费好大力气；

怕妹心不爱， 对哥不中意。

Mbwk:Daengngoenz mbouj liz mbwn，

Nuengxlwnz mbouj liz beix；

Ndaej guhdoih ciengzseiz，

Raeuz seiqvunz simyungz.

女：太阳不离天， 阿妹不离哥；

能一辈作伴， 咱此生快乐。

Sai: Caeuq nuengx gangj gij vah，

Caez baema gaej lumz；

Coenz vah dwk simcung，

Caez mbouj lumz cingzeiq.

男：同妹说蜜语， 回家莫忘去；

话儿放心中， 都牢记情意。

Mbwk: Cungjgvi raeuz gwih max，

Buet gvaq laj guenyaem；

Mbwn cawq raeuz doxgaen，

Doxcaeuq gap gvanbaz.

女：终归有马骑， 观音下奔去；

天让咱相伴， 就结为夫妻。

Sai: Caiq mbouj ndaej bak bi，

Cungj yaek miz goujgouj；

Gaej doxvit baengzyoux，

Cingzhaeuh raeuz naekna.

男：不能百岁寿， 也要九十九；

朋友别丢开， 咱情意深厚。

Mbwk: Song raeuz ndaej caemh ranz，

Dangq yienyieng giet doiq；

Faenhgou dem mwngz beix，

Vuenheij baenz seiqvunz.

女：咱共屋相依， 像鸳鸯夫妻；

妹我和大哥， 一生都欢喜。

(caengz sat)