Geij bi neix daeuj, Gunghcwngz Yauzcuz Swciyen youq guh hong gensez lajmbanj moq seiz, dawz gij hong neix caeuq gij hong gaihcanj “Gvangjsih Gyaeundei·Lajmbanj Seuqsak” hozdung giethab hwnjdaeuj, vih ginzcung caeuq bouxyouz baihrog caux aen vanzging ancienz、seuqsak、swxcaih ndeu. Seizneix, daengx yienh miz 117 aen cunh doenggvaq gak cungj hingzsik haengjheiq gaihcanj “Gvangjsih Gyaeundei·Lajmbanj Seuqsak”hozdung, sawj yienghceij lajmbanj bienq ndaej yied daeuj yied gyaeundei.

(Couh Binjciuh Couh Gingz)