Bineix ciet sam nyied sam, Bahmaj Yauzcuz Swciyen ginzcung gvaq ndaej ceiq nauhyied, gyoengq canghfwen Bouxcuengh Bouxyiuz daj Dunghlanz、Fungsanh、Dava daeuj daengz Yienh Bahmaj, gyoengqde guh eu fwen doxdax daeuj senhconz gvancez dangj Cibbet Daih caeuq daengx guek song hoih cingsaenz, senhconz fazliz fazgveih caeuq cingeng swnghcanj cihsiz, danq dangj leihnungz cwngcwz ndei. Gyoengq bouxcoz saimbwk lij guh doxdax bau aendomq. Daengx aen hawfwen yienjok minzcuz funghcingz daegsaek noengznwdnwd.

(Moz Sangvwnz)