□  Se Vujnwngz

□ 谢武能

（ciep geiz gonq）

Bien sawcuenh cozgyah, sawj bonj cazci neix gig okmingz, hix sawj cazcise canh haujlai cienz. Bouxcawjbien cazci neix de gig yawj ndaej cinj. De siengj swnh bouxdoeg gyaez yawj sawcuenh cozgyah, heuh cozgyah laebdaeb sij geij bien sawcuenh lumj bien sawcuenh neix, sawj cazcise caiq hoengh saek yaep. Hoeng, cozgyah lumj ndaw dungx mbouj miz maeg lo, sij geij bien gyau hawj cawjbien, cawjbien cungj mbouj habhoz, baenzlawz yawj cungj mbouj lumj bien sawcuenh gaxgonq de sij haenx, dauq lumj song boux vunz mbouj doxdoengz sij. Doeklaeng, cawjbien heuh cozgyah ciep dwk sij, cozgyah couh doi sam doi seiq, mbouj caiq dawz gauj gyau hawj cawjbien lo. Seizneix cozgyah mingzheiq engq hung lo, youh baenzlawz dawz cawjbien cuengq youq ndaw da? Seizneix doenghgij cazci bauqceij caeuq cozgyah iekdingh gauj gig lai, gaenbonj mbouj you mbouj miz dieg daeng, hoeng cawjbien doiq sawcuenh cozgyah sij okdaeuj haenx gig deudik, neix sawj cozgyah gig huj. Cozgyah baez huj couh mbouj caiq swt cawjbien lo. Cawjbien cingq vih gienh saeh neix simnyap ne, mbouj siengj daengz bouxgaijdiuq youq mwhhaenx dwk cungj dienhvah neix daeuj, cawjbien youq ndaw dienhvah riu bouxgaijdiuq naeuz: “Mwngz baenz bw, mwngz boux guh gaijdiuq he beij cozgyah lij cozgyah, lij ak bw! Mwngz danghnaeuz caen miz bonjsaeh, hix mbouj yungh youq gizneix caeuq gou raemh baenz lai lo, mboujmiz mwngz sij geij bien fat gvaqdaeuj hawj gou yawjyawj. Daihbauq mbouj dwg luenh cej bw, sawcuenh mwngz caen dwg lumj mwngz gangj haenx baenz ndei, hawj gou habhoz, gou cij mboujguenj mwngz dwg mbouj dwg cozgyah, dwg gaijdiuq roxnaeuz dwg boux caeggeq, gou cienzbouh hawj mwngz daeng okdaeuj!”

Bouxgaijdiuq gikdoengh dwk naeuz: “Cawjbien, mwngz naeuz dwg caen ha?”

Bouxcawjbien caepcatcat naeuz:“Mwngz gyaez saenq couh saenq, mbouj saenq couh suenq, gou mbouj miz seizgan caeuq mwngz gangj baenz lai!”

Gangj dwk, cawjbien couh gaep dienhvah lo. Gizsaed, cawjbien dwg hozndat cij gangj gij vah neix, de baenzlawz saenq gaijdiuq beij cozgyah lij rox sij sawcuenh? De heuh cozgyah sij geij bien sawcuenh daeuj, sawcuenh cozgyah cungj mbouj habhoz de, bouxgaijdiuq mbouj raen mingz gvaq cix naeuz sawcuenh cozgyah dwg de sij, aeu de dangq duzlingz daeuj saj ha, de youh mbouj dwg bouxhuk, de cij mbouj saenq ne!

Bouxgaijdiuq aeu gij vah cawjbien dangq caen lo, de couh mbouj hwnz mbouj ngoenz lienzdaemh ganj sij haujlai bien sawcuenh okdaeuj. De lau daj youzgiz geiq bae geiq mbouj daengz ndaw fwngz cawjbien, de couh caenndang soengq daengz benhcizbu bae, soengq daengz ndaw fwngz bouxcawjbien.

Bouxcawjbien bonjlaiz mbouj siengj raen bouxgaijdiuq, hoeng bouxgaijdiuq dwk dienhvah hawj de, gangj mboengq gonq cawjbien caeuq de gangj gij vah haenx. Mbouj miz banhfap, cawjbien cij ndei raen bouxgaijdiuq. Mbouj siengj daengz, cawjbien dawz sawcuenh bouxgaijdiuq daeuj yawj, baez yawj couh cuengq mbouj roengzdaeuj lo. Bouxcawjbien itmienh yawj itmienh mbouj dingz naeuz “ndei、ndei、ndei”.

Cawjbien gaemz heiq ndeu yawj sat gij sawcuenh bouxgaijdiuq, dangciengz gietdingh dawz mbangj sawcuenh dang geiz gaenq baiz ndei haenx vuenh roengzdaeuj, baiz sawcuenh bouxgaijdiuq hwnjbae, cawjbien lij aeu gij saeh bouxgaijdiuq bang cozgyah sij sawcuenh caeuq gij sawcuenh bouxgaijdiuq sij ndaej baenzlawz ndei haenx sij okdaeuj daeng youq gwnz cazci.

Sawcuenh bouxgaijdiuq sij haenx saedcaih sij ndaej ndei, de daj aen gakdoh de caensaed guh gvaq haenx daeuj sij, dangyienz dwg doenghgij naeuz dwg cozgyah haenx beij mbouj ndaej lo. Caiq ginggvaq cawjbien mauhgangj senhconz, de mbouj okmingz cungj mbouj ndaej lo.

Yienghneix, baenz dauq sawcuenh gaijdiuq bouxgaijdiuq sij haenx, sij le bouh he youh bouh he, okbanj le bonj he youh bonj he, bouxcawjbien aeu bouxgaijdiuq lumj duzsaenz duzbaed neix daeuj gungq dwk. Cazcise canh le daihbaj cienz, bouxgaijdiuq hix canh mbouj noix.

Miz mingz miz cienz lo, bouxgaijdiuq couh roxnyinh daengz gig rimhoz. Couh lienz boux cozgyah dangco haih bouxgaijdiuq naengh lauz haenx, raen bouxgaijdiuq hix gig gingq de. Cozgyah seizneix sawcuenh sij ndaej yied daeuj yied lai lo, mwh sij mbouj ok lij heuh bouxgaijdiuq bang de ne. Yienghneix bouxgaijdiuq couh miz di daekeiq lo, baez daekeiq, couh nyinhnaeuz dangco swhgeij couh mbouj wnggai bae guh gaijdiuq, neix sawj ciuh vunz de nyumx hwnj gij uq ciengxlwenx cungj swiq mbouj bae. Hoeng doeklaeng de youh siengj, danghnaeuz de mbouj guh gvaq gaijdiuq, youh baenzlawz miz ngoenzneix ne?

Ndigah, caenhguenj bouxgaijdiuq seizneix saedceij gvaq ndaej gig ndei, gijmaz cungj miz. Hoeng mwh de sij sawcuenh sij ndaej simnyap, sij mbouj roengzbae, saekseiz de hix cuengqsoeng swhgeij, bae caeg di doxgaiq. Danghnaeuz miz ngoenz ndeu boihseiz deng gingjcaz gaemh dawz, gyoengqvunz rox cozgyah lax- lawz dwg bouxgaijdiuq, yienghneix, couh mbouj geizheih saek di lo.

(sat)

作家的小说，使杂志狠狠地红了一把，杂志社也大赚了一把。杂志的主编是个很有眼光的人，他就想趁兴追击，叫作家继续弄出几篇类似的小说来，让杂志再火上一阵。怎奈，作家似乎江郎才尽，写了几篇交到主编的手里，主编很不满意，怎么看都不像是他以前写的那篇小说，倒很像是两个完全不同的人在写。后来，主编再让作家接着写，作家就推三阻四的没有再把稿子交给主编了。作家现在的名气更大了，又怎么会再把主编放在眼里？作家现在的稿约不断，根本不愁发表，而主编总是对作家写出来的小说挑三捡四的，这让作家很生气。作家一生气就不再搭理主编了。主编正为这事儿心里烦着呢，没想到小偷在这个时候打来了这么个电话，主编在电话里嘲笑小偷：“行，你一个做小偷的，比作家还作家，还牛！你要真有本事，也不用在这里跟我罗嗦了，干脆写几篇发过来让我看看。牛皮不是用来吹的，你的小说要真的像你说的这么行，让我感到满意，我才不管你什么作家不作家，是小偷还是大盗，我全都给你重点推出来！”

小偷激动地说：“主编，你说的都真的？”

主编冷冷地说：“你爱信就信，不信拉倒，我没工夫跟你瞎扯！”

说着，主编便“啪”地挂了电话。其实，主编说的也是气话，他怎么可能相信小偷比作家还会写小说？他让作家写了好几篇的小说来，作家的小说都让他感到很不满意，一个名不见经传的小偷却说作家的小说是他写的，拿他当猴耍呀，他又不是白痴！

小偷却把主编的话当了真，便没日没夜地伏案连赶了好几个小说来。害怕邮路上出问题，小偷又把稿子送到编辑部，亲自交到了主编的手里。

主编本来不想见小偷，但小偷打了个电话给他，说了前些时候主编跟小偷说过的事情。没有办法，主编只好见小偷。没想到，主编拿起小偷的小说，就再也放不下了。主编一边拍案叫绝，一边嘴里连称“妙、妙、妙”不已。

主编一口气把小偷的几个小说看完，当场决定把当期一些已经排好版的小说撤下，把小偷的小说重点推出，主编还把小偷和作家之间的纠纷以及小偷的这些小说的出炉和小偷的小说是如何叫人拍案叫绝的，都一一精妙地做了评点。

小偷的小说确实写得很好，他从一个真实和体验的角度写了一系列的小偷小说，自然是那些所谓的作家不可比的。再经主编这一炒作，就没有不红的道理了。

于是，小偷的小偷系列小说，写了一部又一部，出了一本又一本，主编对小偷就像上帝一样供奉着。杂志社赚了个钵满盆满的，小偷自然也没少赚。

名有了利有了，小偷感到非常满足。就是当初害小偷坐了牢的作家，见了小偷，也都非常尊敬。作家现在越来越多地写出小说了，困难的时候还要小偷帮点什么小忙呢！这样，小偷便有些得意了，一得意，便觉得自己当初就不应该去做什么小偷，这使得他的人生抹上了一个永远都擦不掉的污点。可后来他转念一想，如果他不曾做过小偷，那又哪来的他的今天呢？

所以，尽管小偷现在的日子过得很好，什么都不缺。可在小偷在写得烦躁，怎么也写不下去的时候，偶尔的小偷也会去放松放松自己，偷点小东小西的。假如有一天，万一小偷不幸被警察抓住了，人们爆料一个作家原来竟是一个惯偷，那么，这就一点都不奇怪了。

(完)