Vih baij’ok Denzlinz Yen gij meiliz vwnzva ndawbiengz minzcuz, Denzlinz Yen youq 4 nyied 15 hauh daengz 28 hauh youq daengx yienh gawjbanh 2013 nienz Denzlinz Vwnzva Heiqcuengh baijyienj hoz- dung. Baez hozdung neix faen song aen gaihdon guh.

Gaihdon daih’it daj 4 nyied 15 hauh daengz 21 hauh, gak yangh(cin) Heiqcuenghduenz faenbied youq Lozlij Cin、Luzlungz Cin、Giucouh Cin、 Ding’anh Cin nem Licouh Yauzcuz Yangh daengj 5 aen saigih guh baez daih’it doxdax. Gaihdon daih’ngeih daj 4 nyied 25 hauh daengz 28 hauh, youq yienhsingz gawjhengz, gij duivuj camgya haenx dwg baez daih’it doxdax youq Lozlij、Ding’anh saigih daihsam mingz doxdauq, youq Licouh、Giucouh saigih daihseiq mingz doxdauq, Luzlungz saigih daihhaj mingz doxdauq, gungh 19 aen heiqduenz. 4 nyied 28 hauh hai fatciengj vanjvei.

Ciuq cam rox Denzlinz Yen baez vwnzva Heiqcuengh baijyienj neix gungh miz 56 aen Heiqcuenghduenz camgya.

(Veiz Meizfangh Vangz Bizyen)