□ 关仕京 搜集翻译

（接上期）

Sai: Bak naeuz caengz miz gvan，

Ndaw ranz bouxlawz daeuj？

Song aen vanj gwn haeux，

Caiq cenj laeuj gwnz daiz.

男： 口说没夫爱， 家中谁人来？

有两只饭碗， 酒杯桌上摆。

Mbwk: Caenh naeuz gou miz gvan，

Caen hoj han mwngz laeu (lo)；

Song aen vanj cenj laeuj，

Daih bohgoux Mbanjcieng.

女：老说我有夫， 回答你好苦；

酒杯两只碗， 待张村舅父。

Sai: Nuengx naeuz caengz miz gvan，

Beix doengzban mbouj sinq

(saenq)；

Song aen swiz gyaeuj mbinj，

Bouxlawz daeuj cimh mwngz？

男：妹说无夫君， 哥我不相信；

床头两只枕， 谁来找妹金？

Mbwk: Nuengxbiuj gou Vengzdangz，

Laizvangz daeuj guhcaemz；

Gwn haeuxcaeuz dwg haemh，

De hauj caemh gou ninz.

女：我横塘表妹， 来玩耍不回；

晚饭吃太迟， 她和我同睡。

Sai: Caenh doxceng diuz neix，

Dauhleix mbouj wnggai；

Bouxvunz gou bak lai，

Nuengx gvaiq hix caemh ndaej.

男：老争论这些， 按理真不该；

我这人多嘴， 阿妹你莫怪。

Mbwk: Ceng lai guhmaz ne，

Ep cwzmeh dawz cae；

Dangh song raeuz doxgyaez，

Cix daihcaez cauh loh.

女：争多也无益， 逼老牛拉犁；

若咱俩相爱， 前路同开辟。

Sai: Gangj bae caiq gangj ma，

Daengz raizda cij raen；

Vah gangj hix caengz baenz，

Rox mwngz ngaenz baenz yiengh?

男：说去又道来， 傍晚才明白；

话尚未谈妥， 妹心意何在？

Mbwk: Beix caen caengz miz yah，

Vihmaz mbouj naeuz ndei；

Nuengx caemh fouz gyageiq，

Siengj caeuq beix caemh ranz.

女：哥真没老婆， 为何不早说；

妹也未成家， 想与哥同过。

Sai: Nuengx ndaej yienghneix naeuz，

Gou guh beix gya aeng；

Ndaej aeu mwngz liux ngaenz，

Caeuq guhcaemz mbouj mbwq.

男：妹能够说定， 哥倍感欣幸；

能娶您回家， 共玩多高兴。

Mbwk: Beix aeu gou guh yah，

Aiq souh vah vunz naeuz；

Yienghceij caiq mbouj gyaeu，

Mwngz gvaqhaeuh gag ienq.

女：哥娶我为妻， 恐怕被人讥；

样子不秀美， 你后悔不及。

Sai: Ndaej aeu mwngz dahnuengx，

Caez doxbuenx gvaq seiq；

Ndaej doengz cauh gyageiq，

Suenq fukheiq sueng cienz.

男：能娶回阿妹， 相伴过一辈；

能共创家业， 算福禄齐备。

Mbwk: Mbouj gag caih mwngz ngeix，

Gou seizseiz cungj naemq；

Ndaej caeuq beix guhcaemz，

Suenq fukfaenh gou gau.

女：不单你想到， 我也在思考；

能与哥玩乐， 算我福分高。

Sai: Nuengx gangjvah miz cingz，

Gou ngeix sim caemh aiq；

Ndaej caeuq mwngz doengz byaij，

Gauj gyacaiz cij fouq.

男：妹话有情在， 我心也有爱；

能与妹同行， 携手创家财。

Mbwk: Ndaej bae laeng mwngz beix，

Caez guhdoih guenj gya；

Ndaej haq mwngz guh yah，

Dangq go’gyaj song cin.

女：能与哥作伴， 共管好家当；

能嫁你当妻， 如苗双春长。

Sai: Caezgya cungj mizsim，

Dik rin guh baizhauh；

Mizeiq gyau daengz laux，

Dangq vunz cauh hawciengz.

男：大家都有意， 刻石做碑记；

有心交到老， 如人造圩集。

Mbwk: Dingq gij bak beix gangj，

Cienfanh miz caencingz；

Faenh nuengx caemh mizsim，

Dik rin ndaem haeuxmeq.

女：听哥说得好， 万万有情操；

妹我也有意， 刻石种旱稻。

Sai: Mizsim caez mizsim，

Dik rin hwnq gaulaeuz；

Caen mizsim ndaej daeuj，

Haeux mbouj gwn cungj imq.

男：有情有心交， 雕石建楼高；

能真心嫁来， 不吃饭也饱。

Mbwk: Raeuz daihcaez mizsim，

Dik rin hwnq giuzgungj；

Roeb saek raq raemxdumh，

Raeuz doxumj gvaqbae.

女：咱有心相好， 刻石建拱桥；

偶遇洪水来， 抱过不让掉。

(caengz sat)