□  Se Vujnwngz

□ 谢武能

Bouxgaijdiuq ndonj haeuj ranz he bae, hoeng de saeuj daengx aenranz, gijmaz cungj saeuj mbouj ndaej.

“Caen boihseiz, haeuj aen ranzhoj he daeuj!” Bouxgaijdiuq nambyodbyod.

Doeklaeng, bouxgaijdiuq ndonj haeuj ndaw rugsaw bae, cij rox: Laxlawz de haeuj aenranz cozgyah daeuj. Ndaw rugsaw cuengq miz geij baiz gyaqsaw hung, aiq dwg cozgyah gij cienz de cungj dawz daeuj cawx saw lo. Nanzgvaiq, cozgyah dwg ndaek vunzhoj he.

Bouxgaijdiuq raen gwnz daiz baij miz bien sawcuenh caengz sij sat he. Sawcuenh sij ndaej dingz he, aiq dwg cozgyah deng gaz youq, sij mbouj roengzbae lo. Bouxgaijdiuq caengz guh gaijdiuq gaxgonq, hix sij gvaq haujlai sawcuenh, hix geiq gvaq haujlai gauj hawj bause cazcise. Hoeng cix mbouj ndaej daeng okdaeuj saek bien. Bouxgaijdiuq dawz bien sawcuenh caengz sij sat haenx daeuj yawj, bien sawcuenh neix dwg sij goj gaijdiuq. Cozgyah sij ndaej daiq ndei lo, bouxgaijdiuq yawj daengz doeklaeng, lij caengz gvaqyinx, lij siengj yawj roengzbae, de couh gaem bit hwnjdaeuj lawh cozgyah sij roengzbae. Mbouj rox mbouj nyinh, mbwn laep lo, bouxgaijdiuq swnhfwngz hai daeng, laebdaeb sij roengzbae.

Mwhhaenx, cozgyah gaenq youzbyaij dauqma lo. Bien sawcuenh cozgyah ngamq sij dingz he, saedcaih sij mbouj roengzbae, couh cuengq bit roengzdaeuj okbae youzbyaij. Cozgyah yawjraen rugsaw de daeng rongh, aen ranz neix dan cozgyah boux dog gag youq, haeujbae haenx cijmiz dwg gaijdiuq. Cozgyah lau swhgeij seizneix haeujbae aiq oksaeh, couh dwk dienhvah bauq gingj.

Caj gingjcaz daeuj caeuq cozgyah liujgaij cingzgvang, haeuj ranz bae gaemh bouxgaijdiuq le, cozgyah cij gamj haeuj ranz bae. Cozgyah cazyawj ndaw ranz mbat he, raen mbouj miz gijmaz doxgaiq deng bouxgaijdiuq caeg bae. Gizsaed, cozgyah hix rox, couh dwg bouxgaijdiuq siengj caeg, ndaw ranz cozgyah hix mbouj miz gijmaz doxgaiq hawj bouxgaijdiuq caeg. Cozgyah couh haeuj rugsaw bae, gizhaenx dwg ranz de giz ceiq dijcienz haenx. Aendaizdaeng lij rongh dwk, laj daizdaeng baij miz bien sawcuenh de caengz sij sat haenx. Hoeng yawj yienghceij gij cih gwnz ceij gaenq beij de bae youzbyaij gaxgonq lai boix he. Cozgyah couh dawz hwnjdaeuj yawj, yawj dwk yawj dwk, cozgyah hix yawj haeujmaez lo. Cozgyah itmienh yawj itmienh youq ndawsim haenh, bouxgaijdiuq daiq miz caiz lo, vuenh cozgyah de bonjfaenh sij, hix sij mbouj ndaej baenz ndei. Yawj sat sawcuenh, cozgyah cij siengj hwnj gaijdiuq haeujdaeuj gijmaz cungj mbouj caeg ndaej, lij bang de sij sawcuenh dingz baihlaeng gig ndei. Cozgyah dawz hwnj dienhvah, siengj dwk hawj gingjcazgiz, gangj cingcuj bouxgaijdiuq mbouj caeg gijmaz doxgaiq. Bouxgaijdiuq deng ienuengj lo, bouxgaijdiuq gijmaz cungj mbouj caeg, lij baenz boux caeuq de doxgap sij bien sawcuenh gig ndei he.Hoeng couh youq mwh cozgyah yaek bued aen haumaj gingjcazgiz, de youh lumj siengj hwnj gijmaz nei, lawq yaep he, doeklaeng couh mbouj dwk aen dienhvah neix. Doeklaeng, cozgyah bae camgya geij aen hoihbizvei, miznaj dauqma mbouj geij ngoenz, youh ok guek baez he.

Bouxgaijdiuq neix gaxgonq caeg doxgaiq ngaiz gaemh gvaq, yienznaeuz de naeuz swhgeij mbouj caeg doxgaiq, hoeng gingjcaz dwk geij baez dienhvah hawj cozgyah, dienhvah cozgyah cungj dwg gven dwk. Youh bae ranz cozgyah ra geij baez, hix mbouj ra raen cozgyah. Yienghneix fanfoek geij baez le, gingjcaz mbouj miz nanhsim lo, fanjcingq gyoengqde dwg dangciengz gaemh dawz boux gaijdiuq neix, mboujguenj caeg ndaej mbouj ndaej doxgaiq, de cungj dwg siengj haeuj ranz bae caeg doxgaiq. Aenvih mbouj miz cozgyah cingqmingz, doeklaeng boux gaijdiuq neix deng buenq haeuj lauz bi he.

Ndaw lauz seizneix gig gangj yinzsingva, ndigah, gaijdiuq youq ndaw lauz lij ndaej ciuq de gyaez de yinx haenx, youq ndaw lauz duzsuhgvanj yawj mbangj saw caeuq bauqceij. Youq bonj vwnzyoz cazci gig mizmingz he gwnz de, bouxgaijdiuq yawjraen bien sawcuenh de bang cozgyah swnj sij haenx. Bien sawcuenh haenx gingqyienz cih ndeu mbouj gaij yungh dingz doeklaeng de sij haenx. Engq sawj bouxgaijdiuq huj haenx dwg, bouxgaijdiuq daj gwnz mizgven bauqceij yawj daengz cozgyah lij aenvih bien sawcuenh neix ndaej baenz geij yiengh ciengj bae, camgya le geij aen hoihbizvei, lij okguek dem. Bouxgaijdiuq gig hozndat: Cozgyah daiq dwgcaengz daiq yahcienh lo! Cozgyah haih de naengh lauz, cozgyah lij aenvih de bang cozgyah swnj sij dingz sawcuenh baihlaeng miznaj okmingz.

Aenvih biujyienh ndei, bouxgaijdiuq cij naengh buenq bi lauz, couh ndaej daezgonq cuengq okdaeuj lo.

Bouxgaijdiuq daj ndaw lauz okdaeuj, baez siengj hwnj gij saeh cozgyah guh haenx, couh hozndat mbouj fug. Bouxgaijdiuq dwk dienhvah hawj boux cawjbien cazci daeng bien sawcuenh cozgyah haenx, naeuz gij ginggvaq de dwg baenzlawz bang cozgyah sij bien sawcuenh dingz baihlaeng haenx.

(caengz sat)

小偷潜入一户人家，可他搜了半天，什么也没有找到。

“倒霉，进了一个穷光蛋的家里！”小偷嘟嚷着。

后来，小偷摸进了书房，才知道：他进了一位作家的家里。书房里竖着辉煌的几大排的书架，想必作家把他的钱都用来买书了。难怪，作家会是个穷光蛋。

小偷看到书桌上摊着一篇没有写完的小说。小说写了一半，可能是作家被卡住，写不下去了。小偷在没有做小偷之前，也曾写过无数的小说投过稿。却都如泥牛入了海，一去不回。小偷拿起作家未写完的小说来看，小说写的恰好是小偷的故事。作家写得太好了，小偷看到最后，意犹未尽、欲罢不能，便拿起笔来替作家接着写下去。不知不觉间，夜色降临，小偷顺手开了灯，继续写下去。

这时，作家已经散步回来了。作家的小说刚写一半，实在写不下去，便扔了笔出去散步。作家看到书房里有灯光，这房子只有作家一个人住，进去的只可能是小偷。作家怕此时自己进去会发生什么意外，便打电话报了警。

等到警察来跟作家打了招呼，进去把小偷抓走了，作家才敢进屋。作家四处察看了一下，发现并没有什么被偷的痕迹。其实，作家也知道，小偷就是想偷，作家也没什么可供小偷偷的。作家便进了书房，那是他唯一值钱的地方。台灯仍然开着，台灯下摊着他那篇没有写完的小说。但现在看样子已经比他离开的时候多了一倍。作家便拿起来看，看着看着，作家也禁不住入了迷。作家一边看一边在心里赞叹，这小偷太有才了，换了作家本人来写，也不可能写得这么精彩。看完了小说，作家才想起小偷进来什么也没有偷，还帮他接写了十分精彩的小说下半部分。小偷是冤枉的，小偷什么也没有偷，还成了他的一个非常出色的小说写作合作者。作家拿起电话，欲往警察局打个电话，说明小偷并没有偷什么东西。可就在作家要拨警察局的号码的时候，他好像又忽然想起了什么，犹豫了几下，终究没有打这个电话。后来，作家去参加了几个笔会，风光地回来没几天，又出了趟国。

小偷是有前科的，虽然他辩说自己没有偷，可警察打了几次电话给作家，作家的电话总是关机。又去作家的家里找了几次，也没能找到作家。这样反复几次，警察就没有耐心了，反正他们是抓了小偷的一个现行，不管小偷有没有偷，他都是有作案动机的。由于没有作家的证明，最后小偷还是被判了一年的徒刑。

现在的监狱很讲人性化，所以，小偷在那里也还能按照自己的兴趣，在监狱图书馆看一些书和报。在一份非常著名的文学杂志上，小偷看到了他帮作家续写的那篇小说。那篇小说竟然一字不改的引用他接写的后半部。更让小偷感到气愤的是，小偷从有关报纸上看到作家还因为这部小说而获得了好几个奖项，参加了好几个笔会，并且出了国。小偷很愤慨：作家太卑鄙了!作家害得他坐了牢，作家却因他帮作家接写的小说而在外风光。

由于表现良好，小偷只坐了半年的牢，就被提前释放。

从监狱里出来的小偷，一想起作家的所作所为，就愤恨难平。小偷给刊登作家那篇小说的杂志主编打了个电话，说明小说出产的前后过程。

(未完待续)