Lai bi daeuj, Siengcouh Yen Gunghsanghgiz daj gyaeuj daengz rieng dawz minzcuz doxgiet dangguh yiengh hong ceiq naekhung haenx, cihciz vunz Bouxcuengh、Gun、Yauzcuz、Myauzcuz daengj guh godij ginghyingz, sawj daengx yienh ginghci fazcanj engq vaiq, daengx yienh minzcuz doxgiet, sevei huzndei onjdingh.

Beijgangj youq ndaw yienh Swcunh Cin, mizdi mehmbwk minzcuz gingzhwnj minzcuz binjbaiz, hai“fwnjden yah Yauzcuz”, daenj ndang- daenj minzcuz, gai rangzroz、raet daengj huqdoj Yauzcuz. Aenvih gyoengqde yienjok minzcuz daegsaek, yinx vunzlai daeuj cawx, baenz le binjbaiz. Youq aen cin neix 30 lai aen bouq gai gijgwn ndawde, aen“fwnjden yah Yauzcuz”neix bouxboux cungj rox.

Ciuq gyoepsuenq, daengx yienh 7016 hoh godij ndawde, gij hoh saujsu minzcuz lumj Bouxcuengh、Yauzcuz、Myauzcuz daengj couh ciemq 70% doxhwnj, daengx yienh 521 hoh swhyingz giyez ndawde, Bouxcuengh、Yauzcuz、Myauzcuz daengj saujsu minzcuz hix ciemq daengz 70%.

(Liu Bwnjvei)