武鸣：“三月三”歌圩活动精彩纷呈

4 nyied 12 hauh daengz 15 hauh, Vujmingz Yen youq yienhsingz gawjbanh 2013 Nienz Mbanjcuengh·Vujmingz “Sam Nyied Sam” Hawfwen Nem Lozyez Vwnzva Lijyouzcez hozdung. Ngoenzde, miz 20 lai hangh hozdung guh ndaej hoenghhwdhwd, ndawde, eu fwen doxdax、cien vunz diuq foux faexsaux、bau aendomq、ciengj bauqva daengj vwnzdij hozdung Bouxcuengh neix ceiq ndeiyawj ceiq yinx bouxhek. Vujmingz hawfwen “Sam Nyied Sam” gaenq banh le 33 gaiq, baenz le lingh aen “ndwencieng” gyoengq lwgminz Vujmingz ndeu.(Maj Cinyij)