Daj bineix daeuj, Ningzmingz Yen Nazganh Yangh yawjnaek minzswngh gunghcwngz gensez, roengzrengz gaijndei henzguek gak cuz ginzcung swnghcanj swnghhoz diuzgen. Daengz 3 nyied daej, aen yangh neix gungh roengz 3434.3 fanh maenz, vih ginzcung henzguek banh ndei 7 gienh saehsaed saehndei.

It dwg gaijndei gyauhdungh diuzgen. Roengz 2147.7 fanh maenz, hwnjguh giuz moq 3 aen caeuq roensuijniz 11 diuz 165 goengleix, gaijndei gyauhdungh henzguek. Ngeih dwg gyamaenh suijli gihcuj sezsih. Roengz 673.3 fanh maenz, gyagiengz siujli gunghcwngz gensez, vih nungzyez dingj rengx bauj lai sou daezhawj baujcang. Sam dwg hwnjguh gizdieg vwnzva hozdung. Roengz 56.7 fanh maenz, hwnjguh lajmbanj lanzgiuzcangz 8 aen、daizheiq 4 aen nem yezlanjsiz 4 aen, fungfouq ginzcung cingsaenz vwnzva swnghhoz. Seiq dwg gaijndei gij bangungh diuzgen cunhveij. Roengz 154.3 fanh maenz, hwnjguh bangunghlouz cunhveij、dangjveij, saedyienh cunh- cunh miz bangunghlouz. Haj dwg hwnjguh gwnraemx gunghcwngz. Roengz 20.5 fanh maenz, gensez vunz caeuq doihduz gwnraemx gunghcwngz 2 aen, daezsang ginzcung swnghhoz cizlieng. Roek dwg sien fazcanj gyauyuz saehnieb. Roengz 270 fanh maenz, hwnjguh ranz lauxsae、fandangz, cawx sezbei saw、sonhag daengj. Caet dwg gensez nungzyez sifan gihdi. Roengz 111.8 fanh maenz, hwnjguh reih’oij gauhyau dwkraemx sifan gunghcwngz, coicaenh nungzyez fazcanj. (Hoz Bingjswng)