□ Liuz Meijfung

□ 刘美凤

此时大风刮过龙脊梯田，天空变暗，雨点随之而下，空气空前潮湿。随后，大雨也毫不迟疑地袭向金坑，梯田的一切顿时被潮潮湿湿的神秘包围。屋檐下围着一张木桌一边喝茶夜话，一边等候晚膳的我们，赶紧朝木楼里搬迁。

木楼里穿堂而过的山野气息，清新得醉人。夜，宁静得仿佛盘古开天。楼主给我们送来两支闪烁不定的烛光，代替暂时停电的光明，把我平庸的眸子照亮。我看见古老的、用几块砖头垒成的炉灶，燃烧着温暖的炉火，释放出通红的歌谣。矮矮的炉灶上面，则是一个从屋顶垂下的木钩。钩上挂着几块巧可力色的烟熏腊肉，看上去又香又软又好吃。一个老人和一个小孩盘腿坐在炉前，不时添些干柴进灶，遥远的故事让孩子的心灵得到满足。

旖旎着红瑶人家乡野风光的几个菜肴终于做好，与女主人头上的山花相映成趣。我们在烛光中慢慢品尝，唇齿生香。一时间搞不清自己是哪朝哪代的人了——若不看彼此着装的话。

由于大雨赋予的夜晚黑得星星和月亮一起消失，所以，从我们的住处遥望其它木楼的灯光，很遥远也很温馨。

入夜，溪声滔滔，彻夜不息，悠扬的歌谣也不知在哪响起。我知道这个古老的山寨，总有一千种理由为自己，也为祖先传唱生生不已的颂歌。睡在宜人防潮的木楼里，枕着这深沉、悠扬、绵延了不知多少岁月的歌声和溪声，轻轻松松、朦朦胧胧，我长年累月的失眠，在这里得到了彻底的治愈。尽管楼上的人不停走动，把楼板震得咚咚直响；一板之隔的男人说话声也很吵，但我还是一瞬之间卸下了尘世的面具，进入安然无梦的境界，沉沉睡去。

……

难以觉察的黎明悄悄到来。

一只鸟鸣，把我从沉睡中唤醒。这是一只有着非常美妙的、特殊共鸣声的鸟。它动听地叫着，声音划过低低的晨空。我把脸贴在水雾迷蒙的玻璃窗上享受，然后推窗。一个无与伦比的早晨，就这样以没有任何雕琢的姿态，把静如处子的金坑龙脊梯田呈现在我的眼前。一望秀美，再望壮美，三望美不胜收！

音乐般的旋律，一层一层往上高去，一层一层很是写意。晨雾静静地围绕着梯田，围绕着寨子。天空传来的鸟鸣更多更急了，这加快了太阳的升起。终于，寨子彻底放亮，阳光照彻金坑。摧枯拉朽！

我突然产生了面对龙脊更衣的念头。因为就在太阳把金坑彻底照亮的一瞬，所有在金坑曾经出现、模糊、消逝、重叠过的影像，霎那间在我的眼前清晰无比。我看见金坑容貌妍媸、能说会道的媒婆，穿过一层层、一片片起伏不已的梯田，穿过一个个鸟语花香的四季，从这个寨子抵达那个寨子，从这座木楼进入那座木楼。她美丽的裙装随风飘动，飘动在弯弯的石径，在高高的云端。

于是，金坑梯田又有了一个面对龙脊更衣的新娘，一个吹吹打打的日子，一次隆重而又完整的仪式。以及，一个接生婆的一阵忙乱，一个新生儿的沐浴更衣。

……

轻轻地，我的睡衣滑过肩头，滑过脚踝；默默地，我许下一个神秘无比的心愿。我知道，我的身体跟金坑龙脊梯田上所有的红瑶新娘一样——彼此相似。而那仿佛图腾般悬挂在屋檐下的红辣椒，早把我的面颊映得红红。紧接着我的另一个室友，在短时间的等待与祈祷后，面对阳光灿烂的金坑龙脊梯田，缓缓更衣。

远处，犁铧开出的垄沟，整齐而又富有活力。

（完）

(ciep geiz gonq)

Seizhaenx rumz hung bongj gvaq Nazmbaeklae Lungzciz, mbwn sawqmwh bienq laep, fwn riengz dwk couh roengz lo, hoengheiq gig cumx. Riengz dwk fwnraq roengzsasa, daengx aen Ginhgwngh sawqmwh deng fwnraq humx dwk. Dou youq laj yiemhranz itmienh gwn caz gangjgoj itmienh caj gwn haeuxcaeuz haenx, ganjgip buen haeuj ndaw ranz bae.

Gij heiq ndaw bya ci haeuj laeuzfaex, gij heiq hom ndaej sawj vunz fiz bae. Gyanghaemh, caemrwgrwg. Cawjranz soengq song diuz lab ronghyubyab lawh dienhdaeng sawqmwh dingz dienh haenx daeuj, song diuz lab ciuq rongh aenda gou. Gou yawjraen aencauq gaeuqgeq、yungh geij gep cien daeb baenz haenx, ndaw cauq feiz coemh dwk ndinggyan raeujrub. Gwnz cauq miz aen ngaeufaex daj dingj ranz diuq roengzdaeuj. Gwnz ngaeu venj miz geij gaiq nohlab saek ndaemnding, yawj hwnjbae youh hom youh unq youh ndei gwn. Boux vunzlaux he caeuq boux lwgnyez he buenzcux naengh youq naj cauq, seiz mbouj seiz dem di fwnz haeuj cauq bae, gij goj ciuhgeq hawj lwgnyez gig rimhoz.

Geij deb byaek feih dangdieg Hungzyauz cauj ndaej lo, caeuq dujva gwnz gyaeuj bouxcawj mbwk baenzneix doxdaengh gyaeundei. Dou youq ndaw rongh diuzlab menhmenh cimz menhmenh gwn, caen feihdauh ha. Danghnaeuz mbouj yawj buhvaq mwngz caeuq gou, itseiz caen mbouj rox swhgeij dwg vunz ciuh lawz.

Aenvih roengz fwn, gwnz mbwn ndaundeiq caeuq ronghndwen mbouj rox ndoj bae gizlawz lo, mbwn laeplatlat, ndigah, daj giz dou youq haenx yawj rongh daeng giz gyae ranz wnq, gig gyae hix gig raeuj.

Gyanghaemh, raemxrij laecaca, daengx hwnz cungj mbouj dingz, sing go rwenz hix mbouj rox daj gijlawz cienz daeuj. Gou rox aen mbanj geq neix, cungj miz cien aen leixyouz vih swhgeij, hix vih cojcoeng mbouj dingz cienz ciengq godanq. Ninz youq ndaw laeuzfaex raeujrub cwxcaih neix, dingq sing go sing raemxrij lae ndei dingq rwenz rwz mbouj rox miz geijlai ndwenngoenz neix, cwxcaih soengswt、mumjmumj gyumqgyumq, gou daengx bi cungj ninz mbouj ndaek haenx, youq gizneix yw ndaej ndei lo. Caenhguenj vunz gwnz laeuz mbouj dingz byaij doengh, byaij dwk benjlaeuz yiengjdungdung; ranznden bouxsai gangj vah hix gig cauz, hoeng gou cix soengswt ninz ndaej gig van gig ndaek.

……

Mbouj rox mbouj nyinh, mbwnmomj lo.

Miz duz roeg ndeu ciuz, sing ciuz de sawj gou ndiu lo. Duz roeg neix ciuz gig ndei dingq gig rwenz. Gou aeu aennaj diep haeuj bohliz aencueng miz raemxmok haenx bae, yiengjsouh gij cingzgingj neix. Yienzhaeuh hai aen conghcueng. Aen gyanghaet gyaeundei cwxcaih mbouj miz saek yiengh beij ndaej hwnj haenx, couh yienghneix mbouj ginggvaq dajcang, dawz Nazmbaeklae Lungzciz baij youq dangqnaj gou. Baez yawj gvaqbae gyaeundei raixcaix, mwngz caiq yawj cungj yawj mbouj caenh!

Nazmbaeklae baenz caengz baenz caengz heux coh gwnz, caengzcaengz cungj baenzneix gyaeundei. Mok gyanghaet dinghdingh heux dwk nazmbaeklae, humx dwk aenmbanj. Gyangmbwn cienz daeuj sing roeg ciuz engq lai engq gip lo, neix gyavaiq daengngoenz hwnj sang. Doeklaeng, daengx aenmbanj cungj ronghsagsag lo, daengngoenz ciuq doh daengx aen Ginhgwngh.

Gou sawqmwh miz cungj siengjfap ndeu, couh dwg doiq aen Lungzciz rieg buh. Aenvih couh youq daengngoenz dawz aen Ginhgwngh cienzbouh ciuq rongh mbat haenx, Nazmbaeklae Lungzciz Ginhgwngh youq ndaw siengq ndaw densi raen gvaq youh gaenq lumz haenx, sawqmwh baij youq dangqnaj gou gig cingcuj. Gou yawjraen yahmoiz ndeiyawj roxnaeuz yakyawj、bakvan bakraeuz haenx, heux gvaq baenz mbaek baenz mbaek nazmbaeklae, byaij gvaq seiqgeiq va hom roeg ciuz, daj aen mbanj neix bae daengz aen mbanj haenx, daj aen laeuzfaex neix haeuj aen laeuzfaex haenx. Geuvunj gyaeundei de riengz rumz ci bibuengq dwk, bibuengq youq gwnz lohrin ngutngeuj, bibuengq youq gwnz fwj nazmbaeklae.

Yienghneix, nazmbaeklae Ginhgwngh youh miz dah bawxmoq he doiq Lungzciz rieg buh, youh miz aen saedceij boqboq roqroq he, youh miz aen ciengzmienh aeuyah okhaq nauhnauh yiedyied he. Lij miz, mehciepseng nyaengqnyatnyat ciepseng, lwgnding ngamq doekseng swiq ndang rieg buh.

……

Menhmenh dwk, geu buhninz gou rod roengz aenmbaq, rod daengz giujdin; gou dinghdingh laeb roengz aen simnyienh mbouj hawj vunz rox he. Gou rox, aenndang gou caeuq doenghgij bawxmoq Hungzyauz Nazmbaeklae Lungzciz Ginhgwngh doxdoengz. Lwgmanh nding venj youq laj yiemhranz haenx gaenq dawz aennaj gou ingj ndaej ndingfwdfwd. Ciep dwk lingh boux caeuq gou caez youq haenx, de mbaenj yaep ndeu le, naj doiq Nazmbaeklae Lungzciz Ginhgwngh daengngoenz ciuq dwk ronghsagsag haenx menhmenh rieg buh.

Giz gyae, luengx naz fagcae cae okdaeuj haenx, cingjcaez youh miz sengmingh hoenghhwd.

（sat）