Gaenh bi daeuj, Lingzyinz Yen cizgiz diuzcingj canjyez gezgou, guh hung guh ak“221”(song caz song mbaw it ndoeng: Couhdwg mbawcaz、cazyouz, mbawsangh、mbawien nem ginghci laj faex) daegsaek nungzyez canjyez gunghcwngz, hawj gyoengq nungzminz saujsu minzcuz gungzhoj haenx gyavaiq baenzfouq.

Mbawcaz swnghcanj. Bi’gvaq, daengx yienh suencaz menciz 11.2 fanh moux, cazsauj canjlieng 4159 dun, canjciz 2.31 ik maenz, doengz- beij demhwnj 16.8% nem 49.1%, gij cizlieng mbawcaz nem hawciengz gingcwngh naengzlig daezsang gig lai.

Cazyouz swnghcanj. Daengx yienh cazyouz dajndaem menciz 23.8 fanh moux, cazyouz canjlieng 1200 dun, canjciz 4800 fanh maenz, doengzbeij faenbied demhwnj 33.33% nem 37.5%.

Gosangh nonsei canjyez. Bi- gvaq, aen yienh neix dajndaem suensangh moq 8525 moux, suensangh menciz miz 5.06 fanh moux, ciengx nonsei 3.28 fanh mbaw, sei moq canjlieng 2.6 fanh rap, canjciz 4722 fanh maenz, ranz ciengx nonsei bingzyaenz moix hoh souhaeuj 1.2 fanh maenz.

Iengangq swnghcanj. Bi’gvaq, aen yienh neix ndaem ien 5903 moux, iensauj canjlieng 1.16 fanh rap, canjciz 1051.55 fanh maenz, gyau sui mbawien 231.34 fanh maenz, gyau cwnghcizsui 136.7 fanh maenz, boux ndaem ien moix hoh bingzyaenz souhaeuj 2.35 fanh maenz.

Laj faex ginghci. Bi’gvaq, aen yienh neix ginghci laj faex ciengx gaeq okroengq 450.6 fanh duz, gyoepsuenq gizdieg comz ciengx gaeq 10 giz, saedyienh canjciz 1.392 ik maenz, saedyienh canjciz 1.392 ik maenz, neix hawj nungzminz bingzyaenz moix boux ndaej demgya souhaeuj 307.6 maenz. (Vangz Yenzyungz)