Mboengqneix, Yangzsoz Yen youq Buzdauz Cin guh vwnzva、veiswngh、gohgi“sam roengz mbanj”hozdung, mienxngaenz fat gak cungj saw veinungz cwngcwz、nungzyez gohgi hawj ginzcung. Mbanj- ndoimakseq miz boux ndaem makginhgiz ndeu lingx ndaej bonj saw 《Yangzsoz Yen Makginhgiz Dajndaem Gisuz》le angq dwk naeuz:“Gou engq miz saenqsim ndaem makginhgiz lo, ciuq ndaw saw fuengfap bae guh, gou caiq lai ndaem 5 moux makginhgiz dem.”

(Cungh Nanz)