□ Goz Cijbingh

□ 葛取兵

Hoih ngamq sanq, hai aen soujgih, sing saenqsik couh sikhaek yiengj hwnjdaeuj, Daegveij yawj soujgih, saenqsik dwg Dahmeiz fat daeuj.

“Veij, ngoenzcog dwg ngoenz gijmaz ha, gaej lumz hawj gou gingheij bw!”

Saenqsik baihlaeng dwg aenbak naengbak nding’yanz cup vunz he, gig sawj vunz simdoengh.

Daegveij biengj mbawlig gwnz daiz： Ligmoq 2 nyied 14 hauh, cietbouxyoux!

Nanzgvaiq Dahmeiz baenzneix gip.

Dahmeiz dwg dahsau Daegveij ngamq youq gwnz vangj rox mbouj geij nanz he, aen vangjmingz Dahmeiz dwg “ndeindei gyaez gou ba”, aen vangjmingz Daegveij cix dwg “gyaez couhdwg mwngz”, gwnz vangj yaeng’yaeng diemj mbat he, couh diemj baenz “bouxyoux” lo. Gizsaed Daegveij miz mehyah, hoeng Dahmeiz naeuz mbouj dawzhaeujsim, de dawzhaeujsim haenx dwg gij aicingz song boux de.

Song boux baez raennaj, Dahmeiz couh hawj Daegveij deuz mbouj ndaej lo.

Dahmeiz beij Daegveij iq cib lai bi, gig hauxseng, daegbied dwg doiq da de, sawndik ronghsag, lumj raemxhuz, hawj Daegveij diuq roengzbae, gingqyienz ra mbouj raen haenz.

Daegveij hainduj deihdeih caeuq Dahmeiz doxraen, hoeng Dahmeiz cix gyajcang yaek doi mbouj doi, sawj Daegveij lumj daegmbauq ngamq guhyoux nei sim luenhnyaunyau.

Geij ngoenz gonq Daegveij caeuq Dahmeiz gangj ndei youq Vazdenh Binhgvanj raennaj, hoeng Dahmeiz cix bae Ahbohloz Gouvuz Gvangjcangz. Gizhaenx dwg giz gai doxgaiq gig bengz he, dwg giz bouxmizcienz cij bae cawx haenx.

Youq gizgyae, Dahmeiz couh guh’unj vadfwngz coh Daegveij.

Daegveij mbouj cingznyienh saekdi byaij haeuj ndaw Ahbohloz bae.

Daegveij roxnyinh daengz aenhwet de baenzlawz cungj iet mbouj soh. Gizsaed, Daegveij enjaek dwk byaij haeujbae, hoeng cix lumj byaij youq gwnz rinreq nei.

Dahmeiz yawj hwnj gouh haizheqnaeng doengjhaiz sang he, ndinggyanz, daenj youq gwnz ga Dahmeiz, ndeiyawj raixcaix. Dahmeiz gig angq.

Hoeng Daegveij yawj gyaqcienz, 888 maenz, ndaw daeh Daegveij cij miz 600 lai maenz.

Daegveij ra gij gyaij neix gij gyaij haenx, doeklaeng dauqdaej yaeuh Dahmeiz ok Ahbohloz daeuj lo. Hoeng, Dahmeiz haxbaenh najriu lij lumj dujva seizcin hai nei, seizneix cix lumj dujva deng nae rwed nei najcaep dangqmaz.

Ngoenzcog dwg cietbouxyoux. Daegveij gietdingh hawj Dahmeiz gingheij, aeu gouh haizheq ndinggyanz haenx daep maenh Dahmeiz.

Daegveij daiq gij cienzrei de, laeglemx byaij ok bangunghsiz, bae Ahbohloz Gouvuz Gvangjcangz.

Byaij youq gwnz gai, dienheiq gingqyienz gig nit, gwnzmbwn lij roengz di fwnmoenq, lumj fwn youh lumj mok. Gyanghaet ok dou, mbwn lij gvengq, daengngoenz ronghsagsag, hoeng daengz lajbyongh- ngoenz cix rumzbaek cihuhu, ci dwk Daegveij daenj buhsihcangh daenj haiznaeng haenx lumj haeuj ndaw conghnae bae. Hoeng baez siengj daengz Dahmeiz unqswnh haenx, Daegveij daengx ndang lumj dawz feiz nei ndatfwdfwd, aen najbyak gingqyienz iemq ok caengz hanh he.

Byaij haeuj ndaw Ahbohloz, youh hawj Daeg- veij liuhsiengj mbouj daengz, geij ngoenz gonq gouhheq haenx lij biugyaq 888 maenz, ngoenzneix cix biu daengz 1388 maenz. Daegveij haeb heuj haeb faenz dwk ndaq naeuz, ndaek lauxbanj simbwn dai gaj neix, gvaq aen ciet bouxyoux, couh hwnjgyaq baenz 500 maenz.

Baez haebheuj, Daegveij riuj gouh haizheq nding naekgywg byaij ok Ahbohloz daeuj.

Gipgip muengzmuengz ndonj haeuj ndaw bangunghsiz bae, bwn’gyaeuj Daegveij deng fwn rwed cungj dumz lo, lumj duzgaeq doek raemx nei.

Caen dwg ranz roh youh bungz hwnz doek fwn, bangunghsiz gingqyienz youh dingz dienh lo, nit dwk Daegveij mbouj dingz ndaq mbwn ndaq bouxgungqdienh.

Seizhaenx, soujgih Daegveij youh yiengj lo, dwg miz saenqsik daeuj. Daegveij baez yawj, dwg mehyah de fat daeuj.

Guh gijmaz ha? Daegveij hai daeuj yawj.

“Veij, mbwn nit lo, gou hwnj yebanh, swnhbienh daiq buhmienz、haizmienz daeuj hawj mwngz, cuengq youq ndaw conzdazsiz, vaiqdi ma aeu, gaej dengliengz bw.”

Daegveij gipmuengz buet daengz conzdazsiz bae, bouxhendou laux Cangh riuhoho naeuz: Mehyah mwngz daeuj gouqgip mwngz lo, nanz ndaej miz mehyah baenz simndei simsienh.”

Daenj hwnj buhmienz haizmienz, daengx ndang doq raeujrubrub. Yawjyawj gouhhaizmienz gwnz din, Daegveij sawqmwh siengj daengz gij goj aicingz ngeihcib bi gaxgonq de.

Mwhhaenx mehyah lij coz ne, beij Dahmeiz lij saundei, dwg ndaw yihyen dah ceiq saundei he, daegmbauq gouz de mbouj noix gvaq aen gyah- gyangzbaiz he.

Daegveij hix caegcaeg gyaez de. Hoeng Daeg- veij dwg daj lajmbanj daeuj, vunz dojdat, siengj caeuq dahsau saundei, youh miz baenzlai daegmbauq mbauqndei、diuzgen youh beij de ndei haenx doxndei, beij bae mbaet aeu ndaundeiq lij nanz ha.

Bihaenx seizdoeng, hix dwg cietbouxyoux, mwhhaenx bouxcoz cingq hainduj hwng gvaq ciet rogguek. Daegveij mbouj miz maz cienz, de sawqmwh siengj daengz yiengh he, couh dwg cawx gouh haizmienz soujgoeng guh haenx soengq hawj dahsau.

Cingq dwg gouh haizmienz neix, sawj dahsau ceiq saundei ndaw yihyen baenz dahyoux Daegveij lo, gvaq bi he le youh baenz mehyah Daegveij, seizneix youh baenz daxmeh daeglwg de lo.

Mehyah naeuz, seizhaenx de sou daengz haujlai laex haujlai lwgmbauq soengq hawj de, miz lienhhozgim, miz haiznaeng, miz buh ndeiyawj, hoeng de bienbien yawj hwnj gouh haizmienz neix. Ngoenzhaenx de hwnj yebanh, din nit lumj nae nei, cingq dwg gouh haizmienz neix hawj din de raeujrub, doengzseiz hix sawj aensim de raeujrub, de siengj, gouh haizmienz neix itdingh hix sawj ciuhvunz raezrangh de raeujrubrub.

Gvaq haujlai nanz, Daegveij lumjbaenz singj gvaqdaeuj lo, de hai aen soujgih, hoiz saenqsik hawj Dahmeiz naeuz, ngoenzcog dwg ngoenz gou caeuq yah gou doxrox ngeihcib bi, gou yaek soengq faenh laex he hawj yah gou, sawj de angq mbat ndeu bw!

Fat saenqsik sat le, Daegveij couh dawz gij saenqsik Dahmeiz fat daeuj haenx caeuq soujgih haumaj Dahmeiz ca bae lo.

Daegveij siengj, gouh haizheq nding neix daenj youq gaiqdin mehyah itdingh hix gig ndeiyawj!

刚散会，一打开手机，一条短信息就迫不及待地欢唱起来，炜一看，是湄发来的。

“炜，明天是啥日子哟，别忘了给我一个惊喜！”

信息后面是一个猩红的嘴唇，俏皮地撅着，性感着哩。

炜翻开桌上的台历： 2月14日，情人节！

难怪湄有些迫不及待。

湄是炜在网上刚认识不久的一个女孩子，湄的网名叫 “好好爱我吧”，而炜的网名 “爱的就是你 ”，网上轻轻地一碰 ，就碰出了“爱情”的火花。其实炜是有妇之夫，可湄说不在乎，我只在乎我的爱情。

两人一见面，湄就让炜陷入温柔水乡了。

湄比炜小十多岁，一脸的青春，阳光般灿烂，尤其是那双眼，像一汪湖水，一下子让炜跌进去了，竟然找不到岸。

炜开始频频与湄约会，可湄却犹抱琵琶半遮面，撩得炜如初恋的男孩子。

前几天炜说好了与湄在华天宾馆见面的，可湄却跑到阿波罗购物广场。那可是有钱人的天堂。

远远的，湄柔情万种地向炜不停招手。

炜硬着头皮走进了阿波罗。

炜感觉到腰怎么也直不起来。其实，炜挺着胸，一步一步却如踩鹅卵石。

湄看中了一双高筒皮靴子，红红的，套在湄修长的腿上，让湄仿若白雪公主穿上了红舞鞋。湄很兴奋。

可炜一看标价888元，炜身上才600多元钱。

炜好不容易找了个借口，终于把湄哄出了阿波罗。可是湄刚刚还如春天鲜花般的脸上早已蒙上了一层浮冰，浅浅的，却寒气逼人。

明天是情人节。炜决定给湄一个惊喜，用那双长长的红靴子牢牢套住湄。

炜揣上私房钱，溜出办公室，直奔阿波罗 。

走上大街，天气竟然很冷，天空中还飘着一层密密的雨丝，像风像雨又像雾。早上出门，天气还是阳光灿烂，春色明媚，可下午却是北风呼啸了，吹得西装革履的炜如入冰窟。可一想到柔情似水的湄，炜的胸中“腾”地烘起了一堆火苗，热热的，让炜的额头竟渗出一层细碎的汗珠。

走进阿波罗，又让炜大跌眼镜，前几天还是标价888元的长靴子，今天却标出天价，1388元。炜咬牙切齿地骂道，杀人不吐骨头的老板心太黑了，过个情人节，就涨了500元。

一咬牙，炜拎起沉甸甸的红靴子走出了阿波罗。

匆匆忙忙地窜进办公室 ，炜的头发都淋湿了，像落汤鸡。

真是屋漏偏逢连夜雨，办公室竟然又停电了，冻得炜喋喋不休地骂了捉弄人的老天爷，又骂千刀万剐的电老虎。

这时，炜的手机又响了，短信息。炜一看，是妻子的。

瞎掺和啥呀？打开来看。

“老公，天气变寒了，很冷，我上晚班，顺便给你捎来了棉衣、棉鞋，放在机关传达室，赶快来拿，别冻着了。”

炜连忙跑到传达室，门卫张老头笑呵呵地说：“雪中送炭啦，难得有这样贤慧的妻子。”

穿上棉衣，棉鞋，身上马上热呼呼的。看着脚上的棉鞋，炜一下子想到二十年前的爱情故事。

那时妻年轻着哩，比湄还漂亮，是医院的院花，追求的人不少于一个加强排。

炜也暗恋着。可是刚刚跳出农门的炜，一身泥土气息，像一只乡下庄稼地的癞蛤蟆，要想吃天鹅肉，嘿嘿，难啦！

那年冬天，也是情人节，年轻人正开始时尚过洋人节。炜囊中羞涩，突发奇想，买了一双手工纳的棉鞋送给了院花。

正是这双棉鞋，却让院花成了炜的恋人，一年之后成了炜的妻子，如今又是孩子的母亲。

妻说，那时她收到了不少男孩子的礼物，有金项链，有皮鞋，有漂亮的衣服，可她偏偏选中了这双棉鞋。那天她加夜班，脚冷得像冰，正是这双棉鞋温暖了她的脚，同时也温暖了她的心，她想，这双棉鞋一定会温暖她的漫漫人生。

半响，炜突然若有所悟，打开手机，回复湄说，明天，是我与妻子相识二十年的日子，我得给她一份惊喜哟！

发完短信，炜删除了湄的短信和湄的手机号码。

炜心想，这双红靴子穿在妻子的脚上一定也很漂亮！