Lajmbanj miz “sanh nungz”

Vut bae gungz caeuq hoj

Byaij diuz daegsaek loh

Naj bienq moqsupsup

Gij ginghci lajmbanj

Aeu ganj guh gensez

Gak hangz saehnieb mbe

Couh baengh de guh goek

Nungzminz guh gengndaem

Gaem haeuxgwn swnghcanj

Cien fueng bak geiq ganj

Haeux an’onj miz bau

Gwnz bo lai ndaem faex

Swnghdai ndaej gaem maenh

Miz faex couh miz ngaenz

Gaenx guh baenz bouxfouq

Bo’nywj ciengx cwzyiengz

Goekfaex ciengx bitgaeq

Gai haeuj hawsingz bae

Ndaej cienz rom ngaenzhangz

Vanzlij miz vunzhoengq

Bae Guengjdoeng gai rengz

Haeuj cangj guh baenz bengz

Miz rengz ra ndaej gim

Henzhaij couh ciengx bya

Bouxsae daz bouxmbanj

Caezgya caemh fazcanj

Ranzranz cungj miz cienz

Dangjcunghyangh yawjnaek

Namzbaek lai gyauhliuz

Baihsae haifat riuz

Ginghci couh hwnj mbaek

Raeuz aeu vunz guh bonj

Gyonj daeuj vih yinzminz

Singz mbanj caemhcaez mbin

Diem din coh siujgangh

Hwng lajmbanj ginghci

Nungzminz miz leih’ik

Hong siundaw miz lig

Sevei gig gyaeundei