Bi’gvaq, Nazboh Yen mbouj- duenh gyadaih ligdoh, gyavaiq gaij- guh ranzyiemj lajmbanj, engq vaiq dwk hawj ginzcung gungzhoj ndaej youq“ranz habhoz”、“ranz onj”.

Vih hawj hong gaijguh ranzyiemj lajmbanj ndaej bauj cizlieng ciuq iugouz guhsat, Nazboh Yen cujciz gensez、nungzyez daengj bumwnz 100 lai boux gisuz yinzyenz, ciengzgeiz roengz daengz daengx yienh 9 aen yangh(cin)130 aen cunh 5000 lai ranz nungzhoh ndaej gaijguh ranzyiemj youq ndaw diegbya gyang doengh haenx, bangcoengh gyoengqde gveihva ranzmoq、genj diegranz、dingh fuengyiengq; caemhseiz doiq nungzhoh gyagiengz gisuz beizyin nem cijdauj, gyagiengz gamguenj, dawz ranzyiemj lajmbanj gaij baenz gij ranzmoq cizlieng maenhndei haenx. Nungzyez bumwnz vanzlij dawz gaijguh ranzyiemj lajmbanj caeuq canjyez gezgou diuzcingj doxhab hwnjdaeuj, sonyinx gij ranz gaijguh haenx yinx raemxcingh haeuj ranz nem caep ndei diengzhaex、coih roen guh rienghmou, cungfaen fazveih gij cunghab yauyiz gaijguh ranzyiemj lajmbanj. (Vangz Bizvaz)